ફરમાન / અમદાવાદમાં સફાઇ કર્મચારીઓને ગટરના ઢાંકણાં સાચવવાની જવાબદારી, પાણી ઉતરે નહીં ત્યાં સુધી ઊભા રહેવાના આદેશ 

• અમદાવાદ મહાનગરપાલિકાએ કર્મચારીઓને સોંપી જવાબદારી
• સફાઈ કર્મચારીઓને ગટરના ઢાંકણા સાચવવાની જવાબદારી સોંપાઈ
• જ્યાં સુધી પાણીનો નિકાલ ન થાય ત્યાં સુધી જગ્યા ન છોડવા આદેશ 
• પાણી ભરાયેલા વિસ્તારના ઢાંકણા ખોલી ત્યાં જ ઉભા રહેવા સૂચના

અમદાવાદમાં ભારે વરસાદથી ઠેર ઠેર પાણી ભરાવાની સમસ્યા સામે આવી છે. જેને લઈ હવે અમદાવાદ મહાનગપાલિકા એક્શનમાં આવી હોય તેમ કર્મચારીઓને નવી જવાબદારી સોંપવામાં આવી છે. વિગતો મુજબ સફાઈ કર્મચારીઓને ગટરના ઢાંકણા સાચવવાની જવાબદારી સોંપાઈ છે. આ સાથે જ્યાં સુધી પાણીનો નિકાલ ન થાય ત્યાં સુધી જગ્યા ન છોડવા આદેશ કરવામાં આવ્યો છે.

ભારે વરસાદ વચ્ચે  AMC એક્શનમાં આવી 

ભારે વરસાદના કારણે અમદાવાદમાં ઠેર-ઠેર પાણી ભરાઇ ગયા છે. સાથે ટ્રાફિક જામના દ્રશ્યો પણ સર્જાયા છે. બીજી બાજુ અમદાવાદમાં ધોધમાર વરસાદના કારણે વાહનચાલકોએ પણ ભારે હાલાકી વેઠવાનો વારો આવ્યો આ તરફ હવે અમદાવાદ મહાનગર પાલિકા દ્વારા કર્મચારીઓને એક નવી જવાબદારી સોંપવામાં આવી છે. જેમાં સફાઈ કર્મચારીઓને ગટરના ઢાંકણા સાચવવાની જવાબદારી સોંપાઈ છે. આ સાથે પાણીનો નિકાલ ન થયા સુધી જગ્યા ન છોડવા અને પાણી ભરાયેલ વિસ્તારના ઢાંકણ ખોલી ત્યાં જ ઉભા રહેવા સૂચના અપાઈ છે. 

અમદાવાદમાં ઠેર ઠેર પાણી ભરાયા

અમદાવાદમાં ગઇકાલે રાત્રે પડેલા ધોધમાર વરસાદે અમદાવાદને બાનમાં લીધુ હોય તેવો માહોલ સર્જાયો છે. અમદાવાદમાં ઠેર-ઠેર પાણી ભરાઇ ગયા છે. અમદાવાદના હેલ્મેટ સર્કલ, આયોજનનગર, સિંધુભવન રોડ અને બોપલ પાણીમાં ગરકાવ થઇ ગયા છે. ભારે વરસાદથી અમદાવાદમાં અફરાતફરીનો માહોલ સર્જાયો છે. ઠેર-ઠેર અવ્યવસ્થા સર્જાઇ છે. હેલ્મેટ સર્કલ પર AMTSની બસ ફસાઇ હતી તો જીવરાજપાર્ક વિસ્તારની આયોજનનગર સોસાયટીમાં તો પાણી ફરી વળ્યા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

પાણીમાં અમદાવાદના શાસકોની 'આબરૂ' ધોવાઈ

અમદાવાદનો પોશ વિસ્તાર એવો સિંધુભવન રોડ પણ પાણીમાં ગરકાવ થઇ ગયો હતો. બોપલ અને ઘુમાને જોડતા માર્ગ પર પણ પાણી-પાણી જ જોવા મળી રહ્યું છે. ભારે વરસાદથી અમદાવાદમાં જ્યાં જોવો ત્યાં માત્રને માત્ર પાણી જ જોવા મળી રહ્યું છે. ઠેર-ઠેર ગાડીઓ ફસાયેલી જોવા મળી રહી છે. ઠેર-ઠેર ઝાડ પડવાની અને રોડ પર ભુવા પડવાની ઘટના બની રહી છે. આમ, એકવાર ફરી વરસાદ આગળ AMCનો પ્રિ-મોનસૂન પ્લાન એકદમ ફલોપ જોવા મળ્યો હતો.