મુંબઈ / સોસાયટીની બહાર રસ્તા પર કપલ્સ બાઈક અને કારમાં કિસ કરવા લાગતા, No Kissing Zone લખાવવું પડ્યું

• બોરીવલીમાં આવેલ સત્યમ શિવમ સુંદરમ સોસાયટીનો બનાવ 
• સોસાયટીના રહીશોએ નો કિસિંગ ઝોનના બોર્ડ લગાવ્યા 
• રોડ પર પણ નો કિંસિંગ ઝોન લખ્યું

માયાનગરી મુંબઈમાં એક વીચીત્ર બનાવ સામે આવ્યો છે. અહીયા એક સોસાયટીમાં પ્રેમી જોડા બધાની સામે પોતાના પર કાબૂ ગુમાવીને કિસ કરતા હતા. તેમની હરકતોથી કંટાળીને સોસાયટીના રહીશોએ ગેટ પર નો કિસીંગ ઝોનનું બોર્ડ લગવું પડ્યું. સાથેજ તેમણે રોડ ઉપર પણ નો કિસીંગ ઝોન લખ્યું હતું. 

સાંજના સમયે પ્રેમી જોડા કિસ કરતા 

બોરીવલીમાં આવેલ સત્યમ શિવમ સુંદરમ સોસાયટીનો આ બનાવ છે. જ્યા રહીશો દ્વારા નો કિસિંગ ઝોનના બોર્ડ લગાવામાં આવ્યા છે. અહીયા સાંજ પડતા કપલો બાઈક અને કાર લઈને બેસી જતા હતા. જ્યા તેઓ એકબીજાને કિસ કરતા નજરે પડતા હતા. જેથી રહીશો દ્વારા આ કડક પગલા લેવામાં આવ્યા છે. 

નો કિસીંગ ઝોનના બોર્ડ 

સોસાયટીના રહિશોનું કહેવું છે કે પ્રેમી જોડાઓ કોઈની પણ ચીંતા કર્યા વગર બધાની સામેજ આવી હરકતો કરતા હતા. તેમને ઘણી વખત ટોકવામાં આવ્યા તેમ છતા કોઈ તેમનું માનતું ન હતું. જેથી કંટાળીને છેલ્લે તેમણે નો કિસીંગ ઝોનના બોર્ડ લગાવ્યા હતા. 

બોર્ડ લગાવ્યા બાદ પ્રેમીજોડા આવતા ઓછા થયા 

વધુંમાં રહીશોએ એવુ પણ કહ્યું કે જ્યારે અમે સોસાયટીમાં એન્ટ્રી લઈએ ત્યારે અમારે શરમમાં આવીને મોઢુ નીચે રાખવું પડતું હતું. કારણકે કપલ બધા ખુલ્લેઆમ ચુંબન કરતા હતા. જોકે હવે બોર્ડ લગાવ્યા બાદ પ્રેમી જોડા અહીયા ઘણા ઓછા જોવા મળે છે. 

બાળકો પર ખરાબ અસર 

સોસાયટીના ચેરમેનનું કહેવું છે કે અમે પ્રેમની વિરુદ્ધમાં નથી પરંતુ ખુલ્લે આમ કિસ થતી હતી. તેને લઈને અમે વિરોધ કરીએ છે. સાથેજ ચેરમને એવું પણ કહ્યું કે ઘણી વખત માતા પિતા તેમના જવાન બાળકોને સાથે બહાર નીકળે ત્યારે કપલ કીસ કરતા નજરે પડતા હતા, જેથી સોસાયટીના બાળકો પર પણ આની ખરાબ અસર થતી હતી. 

લોકડાઉન બાદ પ્રેમીજોડાઓની બેઠક વધી 

ઉલ્લેખનીય છે કે સોસાયટીના એક રહીશે એવું કહ્યું હકું કે કોરોનાને કારમે લોકડાઉન લાગી જવાથી કપલો સોસાયટીમાં રહીનેજ આવી હરકતો કરતા હતા. જે મામલે અમે વીડિયો બનાવીને પણ પોલીસને મોકલ્યો હતો. પરંતુ પોલીસ દ્વાકરા કોઈ કાર્યવાહી કરવામાં ન આવી જેથી તેમણે નો કિસીંગ ઝોનના બોર્ડ લગાવ્યા હતા.