ગુજરાતમાં સૌપ્રથમવાર શૈક્ષણિક ક્ષેત્રે એક નવતર પ્રયોગ હાથ ધરવામાં આવનાર છે જેમાં સમગ્ર રાજ્યમાં 50 જેટલી રહેણાંક શાળાઓ શરૂ આવશે
50 રેસિડેન્ટ શાળાઓ શરૂ થશે
કેમ્બ્રિજ યુનિ. સાથે MoU થશે
ધો.1થી 5ના ટોપર્સને મળશે પ્રવેશ
ગુજરાતમાં સૌપ્રથમવાર શૈક્ષણિક ક્ષેત્રે એક નવતર પ્રયોગ શરૂ થવા જઈ રહ્યો છે. જેમાં સમગ્ર રાજ્યમાં 50 જેટલી રહેણાંક શાળાઓ શરૂ કરવામાં આવનાર છે. આ મુદ્દે કેમ્બ્રિજ યુનિવર્સિટીના અધિકારીઓ સાથે શિક્ષણ વિભાગની એક મહત્વની બેઠક યોજાઇ હતી. જેમાં ડિસેમ્બરના અંત સુધીમાં આ શાળાનો શરૂ થવાની શક્યતાઓ જોવાઈ રહી છે. આ માટે વાયબ્રન્ટ સમિટમાં કેમ્બ્રિજ યુનિવર્સિટી સાથે MoU પણ કરવામાં આવશે.
50 રેસિડેન્ટ શાળાઓ શરૂ થશે
રેસિડેન્ટ શાળાઓમાં દર વર્ષે 15 હજાર વિદ્યાર્થીઓ પ્રવેશ આપવામાં આવશે, આશામાં ધો.1થી 5ના માત્ર ટોપર્સ વિદ્યાર્થીઓને પ્રવેશ આપવામાં આવશે આમ કુલ 50 શાળાઓમાં 1 લાખ વિદ્યાર્થીઓને સરકાર નિ:શુલ્ક શિક્ષણ આપશે, જો કે આ શાળા શરૂ થતા એક વિદ્યાર્થી દીઠ રાજ્ય સરકાર પર રૂપિયા 60 હજારનો બોજો પડશે. જેને લઈને રાજ્ય સરકારે પણ તૈયારીઓ દર્શાવી છે.
કેમ્બ્રિજ યુનિ. સાથે MoU થશે
મહત્વનું છે કે રાજ્યમાં ગુણવત્તસભર શિક્ષણ આપવા માટે રાજ્ય સરકાક દ્વારા પણ અનેક પ્રયાસ હાથ ધરવામાં આવી રહ્યા છે. રાજ્ય સરકાર પણ ગુણોત્સવના અનેક કાર્યક્રમ યોજતી હોય છે, જેમાં પ્રાથમિક શાળામાં અભ્યાસ કરતા બાળકોના શિક્ષણની ગુણવત્તા ચકાસવામાં આવતી હોય છે ત્યારે શિક્ષણક્ષેત્રે આ નવતર પ્રયોગ હાથ ધરવામાં આવનાર છે જેને લઈને રાજ્યમાં શિક્ષણનું સ્તર ઊંચું આવશે.