કોરોના વાયરસના કારણે આખી દુનિયાને મુશ્કેલીમાં મૂકનારું ચીન હવે પોતે મુશ્કેલીમાં મૂકાયું છે. અહીં એક પછી એક નવા વાયરસ અને બીમારીઓ સતત દસ્તક દઈ રહી છે. કોરોનાથી શરૂ થયેલી આ મુશ્કેલી ચીનનો પીછો છોડી રહી નથી. ઉલ્લેખનીય છે કે ચીનમાં હવે બ્યૂબોનિક પ્લેગ નામની બીમારીએ દસ્તક દીધી છે. અહીંના સ્વાસ્થ્ય કર્મીઓ હેરાન થઈ ચૂક્યા છે. આ બીમારીના કારણે અહીં એક જ અઠવાડિયામાં 2 લોકોના મોત થઈ ચૂક્યા છે.
ચીનની વધી મુશ્કેલી
કોરોના બાદ હવે બ્યૂબોનિક પ્લેગ ઈન્ફેક્શન બન્યો ખતરો
એક જ અઠવાડિયામાં 2 દર્દીના થયા મોત
જાણો કઈ રીતે ફેલાય છે આ બીમારી
ચીનમાં જોવા મળી રહેલી નવી બીમારી બ્યૂબોનિક પ્લેગ બેક્ટેરિયલ ઈન્ફેક્શનના કારણે ફેલાય છે. આ બીમારીને પહેલા બ્લેક ડેથના નામે પણ ઓળખવામાં આવતી હતી. આ બીમારી ફેલાવવા માટે પ્લેગનો બેક્ટેરિયા જવાબદાર હોય છે. તે કોઈ વાયરસ નથી. જો સમયસર તેની સારવાર એન્ટીબાયોટિક્સ દવાઓથી કરાશે તો શક્ય છે કે દર્દીઓનો જીવ બચી જશે.
ચીનમાં અહીં વધી રહ્યો છે આ બીમારીનો કહેર
અત્યારે ચીનના મંગોલિયાઈ વિસ્તારના એક ગામમાં આ બીમારી ફેલાઈ રહી છે. શહેરના સ્વાસ્થ્ય આયોગના આધારે આ બ્યૂબોનિક પ્લેગમાં દર્દીના શરીરના અનેક અંગો કામ કરવાનું બંધ કરી દે છે અને અંતે તેમનું મોત થાય છે. જે વિસ્તારમાં આ પ્લેગના કારણે દર્દીઓના મોત થઈ રહ્યા છે તેને સીલ કરી દેવામાં આવ્યો છે. આ સાથે જ દર્દીની સાથે 7 સંબંધીત વ્યક્તિઓની મેડિકલ ટીમ પણ હાજર રહે છે.
આ રીતે આ પ્લેગ માનવ શરીરમાં ફેલાય છે
માણસોમાં આ બીમારી ખાસ કરીને કેટલાક જાનવરોના કારણે ફેલાઈ રહી છે. સેન્ટર ફોર ડિસિઝ કંટ્રોલ એન્ડ પ્રીવેન્શનના અનુસાર ઉંદર, ખિસકોલી અને મૈમલ્સના શરીરમાં પ્લેગના બેક્ટેરિયા રહે છે. તેના કરડવાથી કે તેના સંપર્કમાં આવવાથી તે માનવ શરીરમાં પ્રવેશ કરે છે. બ્યૂબોનિક પ્લેગ સૌ પહેલાં જંગલી ઉંદરથી થતો હતો. ઉંદરના મૃત્યુ બાદ આ પ્લેગના બેક્ટેરિયા પિસ્સુઓની મદદથી માનવ શરીરમાં પ્રવેશ કરતા હતા. તે જ્યારે માણસને કરડતા ત્યારે સંક્રામક લિક્વિડ માણસોના લોહીમાં પ્રવેશ કરતું.