LRD ભરતી મામલે છેલ્લા કેટલાક દિવસોથી ગાંધીનગર આંદોલનકારીઓની છાવણીમાં ફેરવાયું હતું. ત્યારે હવે ગાંધીનગરમાં અનામત વર્ગની મહિલાઓનું આંદોલન પૂર્ણ થયું છે. 28 દિવસ બાદ અનામત વર્ગની મહિલાઓના ઉપવાસનો અંત આવ્યો છે. અનામત વર્ગની મહિલાઓએ રાજ્ય સરકારના આશ્વાસનને માન્ય રાખ્યું છે. પરિપત્ર રદ્દ કરાવવા મામલે સામાજિક આગેવાનો લડત ચલાવશે.
LRD મહિલાઓનું આંદોલન પૂર્ણ
અનામત વર્ગની મહિલાઓનું આંદોલન પૂર્ણ
સરકારના આશ્વાસન બાદ માન્યા
LRD ભરતી મામલે કેટલાક દિવસથી મહિલાઓનું આંદોલન ચાલી રહ્યું છે. અનામત વર્ગની મહિલાઓ 1 ઓગસ્ટ 2018નો ઠરાવ રદ કરવાની માગ કરી રહી છે. ત્યારે સરકારે રદ કરવાને બદલે સુધારા કરવાની જાહેરાત કરી હતી. ત્યારે બિનઅનામત મહિલાઓનું ઠરાવના સમર્થનમાં આંદોલન કહ્યું હતું. ત્યારે સરકારે અનામત અને બિન અનામત વર્ગના આગેવાનો સાથે ચર્ચા કરી અને LRD ભરતીનો વિવાદ ટાળવા સમાધાનકારી નિર્ણય લીધો હતો. જેમાં 1-8-2018ના પરિપત્રને ધ્યાનમાં લીધા વિના ભરતીનો નિર્ણય કર્યો હતો. LRD ભરતીમાં મહિલા અનામતની જૂની પ્રક્રિયા અનુસરાશે.
તમામ વર્ગની મહિલાઓ 62.5 ગુણ હોય તેમને લાભ અપાશે. સુપર ન્યુમરીથી કુલ 5227 જેટલી મહિલાઓને લાભ મળશે. આ નિર્ણય બાદ બિન અનામત વર્ગ દ્વારા સમીક્ષા કરીને આંદોલનનો અંત લાવી દેવાયો હતો. પરંતુ બિન અનામત વર્ગ દ્વારા આ આંદોલન હજુ પૂર્ણ કરાયું ન હતું. ત્યારે હવે રાજ્ય સરકારે આશ્વાસન આપતા બિન અનામત વર્ગની મહિલાઓ માની ગઇ છે અને આંદોલન પૂર્ણ કર્યું છે. ગૃહ રાજ્ય મંત્રી પ્રદીપસિંહ સાથે બેઠક બાદ પારણાં કર્યા છે. LRD નિમણુંક મુદ્દે ગૃહરાજ્ય મંત્રીએ ખાત્રી આપતા આંદોલન સમેટાયું છે.
HCમાં સરકારી વકીલની રજૂઆત
અત્રે ઉલ્લેખનીય છે કે મંગળવારે લોકરક્ષક દળની ભરતી મામલે ગુજરાત હાઈકોર્ટમાં અરજી થઈ છે. આ મામલે આજે સુનાવણી હાથ ધરાઈ હતી. આ મામલે સરકારી વકીલે રજૂઆત કરી હતી કે, નવા ઠરાવ પર હાલ અમલીકરણ કરવામાં નહીં આવે. છેલ્લા ઘણા સમયથી ચાલી રહેલા આંદોલનનો સુખદ અંત આવ્યો છે. સાથે જ તેમણે જણાવ્યુ કે, 1 ઓગસ્ટ 2018ના રોજ ઠરાવનું પાલન કરવામાં નહીં આવે. આ પહેલા 3 સપ્ટેમ્બર 2014ના ઠરાવ પ્રમાણે ભરતી કરવામાં આવશે. આ મામલે હાઈકોર્ટમાં વધુ સુનાવણી 11 માર્ચે હાથ ધરાશે.