રિઝર્વ બેંક ઑફ ઇન્ડિયાએ બેસિક એકાઉન્ડ હોલ્ડર્સને વધારે સુવિધાઓ આપી છે.
જી હા, એવામાં ખાતાધારકો હવે બેંક મફતમાં ચેકબુક અને અન્ય સુવિધાઓ આપશે. જોકે બેંક આ સુવિધાની સામે ખાતાધારકોને ખાતામાં ન્યૂનતમ રકમ રાખવા માટે પણ બાંધી શકશે નહી અને મહિનામાં ઓછામાં ઓછા ચાર વખત પૈસા ઉપાડવાની સુવિધા આપશે.
RBIએ બેસિક સેવિંગ્સ બેંક ડિપોઝિટ (BSBD) એકાઉન્ટ્સ માટેના નિયમોમાં બદલાવ કર્યો છે, જેણે નો-ફ્રિલ્સ એકાઉન્ટ પણ કહેવાય છે.
RBIએ તમામ બેંકોને આદેશ આપતાં કહ્યું કે નિયમોમાં છૂટનો લાભ ગ્રાહકો સુધી પહોંચે છે તેની ખાતરી આપવી પડશે. અત્યાર સુધી આ ખાતાધારકોને ચેકબુક જેવી વધારાની સુવિધા લેવા પર બચત ખાતું સામાન્ય ખાતાંમાં બદલાઈ જાય છે અને ગ્રાહકે મિનિમમ બેલેન્સ રાખવાની સાથે અન્ય પ્રકારના ચાર્જિસની પણ ચૂકવણી કરવી પડે છે.
RBIએ બેંકોને આપેલા આદેશમાં સ્પષ્ટ થયુ છે કે, આ ખાતાધારકોને હવે કેટલીક ચોક્કસ સુવિધાઓ મફત આપવી પડશે. આ સિવાય બેંકે હવે કોઈ ચાર્જ લીધા વગર ખાતાધારકોને ચેકબુક આપવી પડશે અને તેમને કોઈ મિનિમમ બેલેન્સ રાખવાનું ફરજિયાત કરવામાં નહીં આવે. આ ખાતાધારકોને મહિનામાં ચાર દિવસ કોઈપણ ચાર્જ ચૂકવ્યા વગર પૈસા ઉપાડવાની સુવિધા મળશે, જેમાં ATMમાંથી ઉપાડેલા પૈસા પણ સામેલ હશે. જો કે, પૈસા જમા કરાવવાની કોઈ મર્યાદા રાખવામાં નથી આવી.