ભારતીય રિઝર્વ બેન્ક (RBI) અને કેન્દ્ર સરકાર (Central Government) નું નાણાકીય વર્ષ (Financial Year) એક સમાન હોઇ શકે છે. કેન્દ્ર સરકારનું નાણાકીય વર્ષ 1 એપ્રિલથી શરૂ થઇને 31 માર્ચે ખતમ થાય છે. જ્યારે RBIનું નાણાકીય વર્ષ 1 જુલાઇથી શરૂ થઇને 30 જૂનને પૂર્ણ થાય છે.
રિઝર્વ બેન્ક અને કેન્દ્ર સરકારનું નાણાકીય વર્ષ (Financial Year) એક સમાન બનશે
કેન્દ્ર સરકારનું નાણાકીય વર્ષ 1 એપ્રિલથી શરૂ થઇને 31 માર્ચે ખતમ થાય છે
જ્યારે RBIનું નાણાકીય વર્ષ 1 જુલાઇથી શરૂ થઇને 30 જૂનને પૂર્ણ થાય છે
એવામાં RBI બોર્ડે પણ આરબીઆઇનું નાણાકીય વર્ષ 1 એપ્રિલથી કરવાની ભલામણ કરી છે. આ વિશે મંજૂરી લેવા માટે કેન્દ્ર સરકાર પાસે એક પ્રસ્તાવ મોકલવામાં આવશે.
મીડિયા રિપોર્ટ્સ અને RBIના એક અધિકારી મુજબ આ બદલાવ ફાઇનાન્શિયલ ઇયર 2020-21ની સાથે લાગૂ કરવામાં આવી શકે છે. તેના સિવાય વિમલ જાલાન સમિતિએ પણ આરબીઆઇનું નાણાકીય વર્ષ સરકારના નાણાકીય વર્ષના સમાન કરવાની ભલામણ કરી હતી.
દિલ્હીમાં પ્રેસ કોન્ફરન્સ દરમિયાન નાણા મંત્રી (Finance Minister) નિર્મલા સીતારમણની હાજરીમાં આરબીઆઇ ગવર્નર શક્તિકાંત દાસે કહ્યું કે હાલ તેના પર વિચાર કરવામાં આવી રહ્યો છે. જલ્દી તેના વિશે આપને જાણકારી મળી જશે.
આરબીઆઇ (RBI) ના સેન્ટ્રલ બોર્ડ ઓફ ડાયરેક્ટર્સે પોતાની 582મી બેઠકમાં વર્તમાન આર્થિક પરિસ્થિતિઓ, વૈશ્વિક અને ઘરેલૂ પડકારો અને આરબીઆઇના ઓપરેશન સાથે જોડાયેલી ઘણી બાબતોની સમીક્ષા કરી.
આરબીઆઇ બોર્ડની મીટિંગમાં નાણાકીય મંત્રી નિર્મલા સીતારમણ, નાણા રાજ્ય મંત્રી અનુરાગ સિંહ ઠાકુર, નાણા સચિવ રાજીવ કુમાર અને વ્યય સચિવ ટીવી સોમનાથન સહિત અન્ય વરિષ્ઠ અધિકારીઓએ ભાગ લીધો.