RBI / મોરેટોરિયમ મામલે સુપ્રીમે કહ્યું અમે નિર્ણય ન લઈ શકીએ, બેંકોએ કહયું વ્યાજ માફ નહીં કરી શકીએ

• 6 મહિના વ્યાજ માફીની માંગ
• RBI આ માંગને ગણાવી ખોટી

  

• વ્યાજ માફ કરી શકાય નહીં: RBI

સુપ્રીમ કોર્ટમાં એક જનહિત અરજી દાખલ કરવામાં આવી હતી. જેમાં લોકડાઉન દરમિયાન લોનના વ્યાજમાં છૂટ આપવા માગ કરવામાં આવી હતી. જેના પર સુપ્રીમ કોર્ટે RBIનો જવાબ માગ્યો હતો. RBIએ કોરોના સંકટમાં લોકો અને કોર્પોરેટ જગતને પરેશાનીથી બચાવવા માટે લોનના EMI માટે મોરેટોરિયમની સુવિધા આપી છે. 

બેંકોને થશે 2 કરોડ રૂપિયાનું નુકસાન

સુપ્રીમ કોર્ટમાં આરબીઆઈએ એફિડેવિટ દાખલ કરીને કહ્યું હતું કે 6 મહિનાના મુદત ગાળા દરમિયાન વ્યાજ માફ કરવાની માંગ ખોટી છે. RBIએ કહ્યું કે લોકોને હમણાં 6 મહિનાની EMI નહીં આપવાનો વિકલ્પ આપવામાં આવ્યો છે, પરંતુ જો આ સમયગાળા માટે વ્યાજ લેવામાં નહીં આવે તો બેંકોને 2 લાખ કરોડનું નુકસાન થશે.

શું છે કેસ?

ઉલ્લેખનીય છે કે સુપ્રીમ કોર્ટમાં એક જનહિત યાચિકા જાહેર કરવામાં આવી જેનાથી લૉકડાઉનના સમયે લોનની ઈએમઆઈના વ્યાજમાં છૂટ મળવી જોઈએ. તેની પર સુપ્રીમ કોર્ટે રિઝર્વ બેંક પાસે જવાબ માંગ્યો તેની પર શુક્રવારે સુનાવણી કરાશે. 

શું કહ્યું હતું રિઝર્વ બેંકે?

રિઝર્વ બેંકે કહ્યું કે આ સમય દરમિયાન જો કોઈ તેની લોનના હપ્તા ભરપાઇ કરી શકશે નહીં તો બેંકો તેમના પર દબાણ કરશે નહીં અને આવા લોકોને ડિફોલ્ટર કેટેગરી હેઠળ રાખવામાં આવશે નહીં. આ વિરામ પર દંડ પણ થશે નહીં અને તેમની ક્રેડિટ રેટિંગ ખરાબ નહીં થાય, પરંતુ લોકોને આ માફીના સમયગાળાનું સંપૂર્ણ વ્યાજ ચૂકવવું પડશે.

વ્યાજ માફી ભારે પડશે?

• રિઝર્વ બેંકે વ્યાજ માફીની માંગને ગણાવી ખોટી.
• 6 મહિના વ્યાજ માફીની માંગને ગણાવી ખોટી.
• RBIએ સુપ્રીમ કોર્ટમાં રજૂ કર્યું સોગંદનામું.
• 6 મહિનાના EMI હાલ ન ભરવા આપી છે છૂટ.
• આ સમયમાં વ્યાજ પણ ન લેવાથી થશે નુકસાન.
• બેંકોને 2 લાખ કરોડ રૂપિયાનું નુકસાન થશે.
• સુપ્રીમ કોર્ટમાં થઇ હતી એક જાહેરહિતની અરજી.
• લોકડાઉનમાં વ્યાજમાં છૂટ આપવાની કરાઇ હતી માગ.
• શુક્રવારે આ મામલે સુપ્રીમ કોર્ટમાં થશે સુનાવણી.