બિઝનેસ / RBIનો વિશ્વમાં ડંકો, આ મામલે અનેક દેશોને પછાડીને બની નંબર વન

RBI Gold Buying: વર્લ્ડ ગોલ્ડ કાઉન્સિલ (WGC)એ ગુરુવારે (5 ડિસેમ્બર) જણાવ્યું હતું કે, ઓક્ટોબરમાં વિશ્વભરની કેન્દ્રીય બેંકોએ 60 ટન સોનું ખરીદ્યું હતું, જેમાં ભારતીય રિઝર્વ બેંક 27 ટન સોનું ખરીદીને મોખરે રહી હતી.

IMFના રિપોર્ટ મુજબ ભારતે આટલી ખરીદી કરી

ઈન્ટરનેશનલ મોનેટરી ફંડ (IMF)ના માસિક રિપોર્ટના આધારે આ WGC ડેટા અનુસાર, ભારતે ઓક્ટોબર મહિનામાં તેના સોનાના ભંડારમાં 27 ટનનો વધારો કર્યો છે, જે આ વર્ષે જાન્યુઆરીથી ઓક્ટોબર સુધીમાં તેની કુલ સોનાની ખરીદીને 77 ટન પર લઈ ગયો છે.

ગયા વર્ષની સરખામણીમાં 5 ગણો વધારો

WGCએ જણાવ્યું હતું કે, RBI દ્વારા આ સોનાની ખરીદી ગયા વર્ષના સમાન સમયગાળાની સરખામણીમાં 5 ગણો વધારો દર્શાવે છે. ડેટા દર્શાવે છે કે આ ખરીદી સાથે, ભારતનો કુલ સોનાનો ભંડાર હવે 882 ટન છે, જેમાંથી 510 ટન ભારતમાં હાજર છે.

વધુ વાંચો : રોકાણકારોને ફરી કમાણીની તક, વિશાલ મેગા માર્ટનો આવશે 80000000000 રૂપિયાનો

WGC એ મહત્વની માહિતી આપી હતી

આ ઉપરાંત WGCએ વધુમાં જણાવ્યું હતું કે, ઊભરતાં બજારોની મધ્યસ્થ બેંકોએ સોનાની ખરીદીના મામલે તેમનું વર્ચસ્વ જાળવી રાખ્યું છે. તુર્કીએ અને પોલેન્ડે જાન્યુઆરી-ઓક્ટોબર 2024 દરમિયાન તેમના સોનાના ભંડારમાં અનુક્રમે 72 ટન અને 69 ટનનો વધારો કર્યો છે. તેમાં કહેવામાં આવ્યું છે કે આ ત્રણ દેશોની કેન્દ્રીય બેંકોએ આ વર્ષે સોનાની કુલ વૈશ્વિક ચોખ્ખી ખરીદીમાંથી 60 ટકા ખરીદી કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ