સ્પષ્ટતા / શું બંધ થશે દેશની 9 સરકારી બેંકો? RBI એ કર્યો ખુલાસો

• 9 બેંક બંધ થવાનો વાયરલ મેસેજ
• RBI એ ખુલાસો કરી કહ્યું અફવા છે
• બેંક ખાતાઓમાં લોકોના રૂપિયા સંપૂર્ણ સુરક્ષિત છે : RBI

વાયરલ થયેલો મેસેજ ખોટો છે : RBI

રિઝર્વ બેંકે આ અહેવાલોને ફગાવી દીધા છે અને કહ્યું છે કે બેન્કો બંધ થવાના મામલે સોશિયલ મીડિયા પર ફરતો થયેલો અહેવાલ ખોટો છે. આરબીઆઈએ સ્પષ્ટ કહ્યું છે કે આ સંપૂર્ણ અફવા છે અને ગ્રાહકોના પૈસા બેંક ખાતાઓમાં સંપૂર્ણ સુરક્ષિત છે.

RBI એ આપ્યો જવાબ

There are mischievous rumours on Social Media (picture below) about @RBI closing some banks. No question of closing any #PSB, which are articles of faith. Rather Govt is strengthening PSBs with reforms and infusion of capital to better serve its customers @FinMinIndia @PIB_India pic.twitter.com/43XoZGoOa0

— Rajeev kumar (@rajeevkumr) September 25, 2019

નોંધનીય છે કે, રિઝર્વ બેંકે આ અહેવાલોને ફગાવી દેતા કહ્યું છે કે, બેન્કો બંધ થવા મામલે સોશિયલ મીડિયા પર ફેલાતો રિપોર્ટ ખોટો છે. આરબીઆઈએ સ્પષ્ટ રીતે જણાવ્યું કે, આ સંપૂર્ણ અફવા છે અને ગ્રાહકોના પૈસા બેંક ખાતાઓમાં સંપૂર્ણ સુરક્ષિત છે.

શું છે અફવાનો મેસેજ 

સોશિયલ મીડિયા પર વાયરલ થતા સમાચારોમાં દાવો કરવામાં આવી રહ્યો છે કે દેશની 9 સરકારી બેંકો બંધ થવાની તૈયારીમાં છે. અફવાના આ સમાચારોમાં 9 સરકારી બેંકો બંધ હોવાનું કહેવાઈ રહ્યું છે તેમાં કોર્પોરેશન બેંક, આઈડીબીઆઈ બેંક, યુકો બેંક, બેંક ઓફ મહારાષ્ટ્ર, આંધ્ર બેંક, ઇન્ડિયન ઓવરસીઝ બેંક, સેન્ટ્રલ બેંક ઓફ ઇન્ડિયા, દેના બેંક અને યુનાઇટેડ બેંક સમાવેશ થાય છે.

RBI એ PMC બેંક સામે કરેલ કાર્યવાહી બાદ વાયરલ થયો મેસેજ 

મંગળવારે પંજાબ અને મહારાષ્ટ્ર સહકારી (પીએમસી) બેંક પર આરબીઆઈની કાર્યવાહી બાદ આ અફવાએ જોર પકડ્યું છે. હકીકતમાં, આરબીઆઈએ પંજાબ અને મહારાષ્ટ્ર સહકારી (પીએમસી) બેંક પર ઘણા નિયંત્રણો લાદ્યા છે આરબીઆઈએ બેંકિંગ રિલોકેશન એક્ટ 1949 ની કલમ 35 એ હેઠળ આ કાર્યવાહી કરી છે.

RBI એ PMC બેંક પર કેટલાક લગાવ્યા પ્રતિબંધ

સેન્ટ્રલ બેંકની કાર્યવાહી બાદ, થાપણદારો તેમની બચત, ચાલુ અથવા બેંકના કોઈપણ અન્ય ખાતામાંથી 1000 રૂપિયાથી વધુ ઉપાડી શકતા નથી. પીએમસી બેંકને આરબીઆઈની આગોતરા મંજૂરી વિના લોન અને એડવાન્સિસ આપવા, કોઈપણ પ્રકારનું રોકાણ કરવા, તાજી થાપણો સ્વીકારવા વગેરે પર રોક લગાવી છે. જો કે આરબીઆઈ પરિસ્થિતિ અનુસાર આ દિશાનિર્દેશોમાં સુધારો કરી શકે છે.