RBIએ Axis Bank પર 25 લાખ રૂપિયાનો દંડ ફટકાર્યો છે. રિઝર્વ બેન્કે દંડની જાણકારી આપતા જણાવ્યું કે Axis Bankને Know Your Customer (KYC) આદેશ, 2016ના નિયમોનું ઉલ્લંધન કર્યું છે અને તે કારણે તેમને દંડ ફટકારવામાં આવ્યો છે.
Axis Bank પર આ કારણે ફટકારવામાં આવ્યો દંડ
RBIએ જણાવ્યું કે ફેબ્રુઆરી અને માર્ચ, 2020 વખતે Axis Bankના એક ગ્રાહકના ખાતાની તપાસ કરવામાં આવી હતી. તપાસમાં જાણવા મળ્યું કે Axis Bank રિઝર્વ બેન્કના KYCને લઈને જાહેર નિર્દેશ, 2016માં શામેલ જોગવાઈનું પાલન કરવામાં નાકામ રહી છે. તેનો મતલબ છે કે એક્સિસ બેન્ક પોતાના કસ્ટમરના ખાતાનું ડ્યુ ડિલિજેન્સ નથી કરી શકતુ અને કસ્ટમર્સના બિઝનેસ અને રિસ્ક પ્રોફાઈને નથી જાણી શકતું.
Axis Bank પર શું થશે અસર
આ તપાસ બાદ RBIએ આ સંદર્ભમાં બેન્કને નોટિસ આપી છે. નોટિસના જવાબ અને મૌખીક સ્પષ્ટીકરણ પર વિચાર કર્યા બાદ દંડનો નિર્ણય કરવામાં આવ્યો છે. હવે સવાલ એ ઉઠે છે કે આ દંડનું એક્સિસ બેન્કના કામકાજ પર શું અસર થશે. આ બેન્કના ટ્રાન્ઝેક્શન પર કોઈ અસર નહીં થાય.