કોરોના વાયરસથી સમગ્ર દેશમાં હાહાકાર મચ્યો છે. આ વચ્ચે કેટલાક વૈજ્ઞાનિકોની કેટલીક ટીમો સમગ્ર દુનિયામાં આ નવા વાયરસ પર રિસર્ચ કરવામાં લાગી છે. આ વચ્ચે ચીનના વૈજ્ઞાનિકોની ટીમને વાયરસની અસલ સંરચનાની તસવીર મળી ગઇ છે. આ એક મોટી સફળતા છે.
કોરોનાને લઇને વૈજ્ઞાનિકોને મળી મોટી સફળતા
કોરોના વાયરસની પ્રથમ તસવીર આવી સામે
ઇલેક્ટ્રોન માઇક્રોસ્કોપ વિશ્લેષણ ટેકનીકની મદદથી મળી સફળતા
વૈજ્ઞાનિકોની એક ટીમે કોરોના વાયરસની પ્રથમ તસવીર જાહેર કરી છે જેમાં તેનું 'અસલી રૂપ' સામે આવ્યું છે. ડેલી મેલના જણાવ્યા અનુસાર વૈજ્ઞાનિકોએ વાયરસને નિષ્ક્રિય કર્યા બાદ તેની તસ્વીર કેદ કરી છે. વૈજ્ઞાનિકોએ વાયરસને ઇલેક્ટ્રોન માઇક્રોસ્કોપ વિશ્લેષણ ટેકનીકની મદદથી સફળતા મેળવી છે.
(Pic/Shenzhen Third Hospital/WeChat)
વિશેષજ્ઞ સતત કોરોના વાયરસનો ઇલાજ શોધવાના પ્રયત્નો કરી રહ્યા છે. આ વચ્ચે કોરોના વાયરસની તસવીર આ દિશામાં ઘણુ મહત્વનું યોગદાન આપી શકે છે. ડેલી મેલે પોતાના રિપોર્ટમાં જણાવ્યું છે કે ઇલેક્ટ્રોન માઇક્રોસ્કોપ વિશ્વેલષણ ટેકનિક દ્વારા વાયરસના નમૂના સુરક્ષિત રાખવામાં આવ્યા છે. આ અત્યાર સુધીનું સૌથી પ્રામાણિક પરિણામ છે.
વિશેષજ્ઞોની ટીમના સભ્યો અને એસોસિએટ પ્રોફેસર લિયૂ ચુઆંગનું કહેવું છે કે, વાયરસને જે રૂપમાં આપણે જોઇએ છીએ, તે એવું જ છે જેવું કે આ પ્રકૃતિમાં હોય છે.
કોરોના વાયરસે શરીરની જે કોશિકા પર હુમલો કર્યો હતો, તેની ખરાબ હાલત પણ વિશેષજ્ઞોએ જોઇ. આ રિસર્ચ Shenzhen National Clinical Medical Research Center For Infectious Diseases અને દક્ષિણી વિજ્ઞાન અને ટેકનોલોજી વિશ્વવિદ્યાલય ( South University of Science and Technology ) એ કરી હતી.
શેન્જેડ થર્ડ હોસ્પિટલના સચિવ લિયૂ લેઈનું કહેવું છે કે આ શોધથી કોરોના વાયરસ વિરૂદ્ધ દવાઓ અને ટીકોના વિકાસમાં મદદ મળશે. તેમનું કહેવું છે કે આ શોધના કારણે આ તસવીરની મદદથી વાયરસના જીવન ચક્રને સમજવામાં મદદ મળશે.