ICMR અને કોરોના ટાસ્ક ફોર્સ બંને રાજ્યોમાં એ જાણી રહ્યું છે કે શું વાસ્તવમાં બંને રાજ્યોમાં કોરોના વાયરસનું સ્વરૂપ બદલાઇ ગયું છે.
કેરળમાં એક જ દિવસમાં 17 હજારથી પણ વધુ કેસો
કોરોના વાયરસનું સ્વરૂપ બદલાઇ ગયું ?
નવા વેરિયન્ટની તપાસ પ્રક્રિયામાં
કેરળમાં એક જ દિવસમાં 17 હજારથી પણ વધુ કેસો
કેરળ અને મહારાષ્ટ્રમાં કોરોનાના કેસ ઓછા નથી થઈ રહ્યા, સ્થિતિ હવે એવી સર્જાઇ કે કેરળમાં એક જ દિવસમાં 17 હજારથી પણ વધુ કેસો સામે આવ્યા છે. આ બંને રાજ્યોમાં ખાસ કરીને કેરળમાં કોરોનાના કેસ ઓછા થવાને બદલે વધી રહ્યા છે. ICMR અને કોરોના ટાસ્ક ફોર્સ બંને રાજ્યોમાં એ જાણી રહ્યું છે કે શું વાસ્તવમાં બંને રાજ્યોમાં કોરોના વાયરસનું સ્વરૂપ બદલાઇ ગયું છે.
કોરોના વાયરસનું સ્વરૂપ બદલાઇ ગયું ?
આખા દેશમાં સૌથી વધુ કોરોનાના કેસ મહારાષ્ટ્ર અને કેરળમાં આવી રહ્યા છે. બે અઠવાડિયા પેહલા કેન્દ્રીય સ્વાસ્થ્ય મંત્રાલયે ICMR અને નેશનલ કોરોના ટાસ્ક ફોર્સને એ જાણવા માટેના આદેશ આપ્યા કે શું આ બંને રાજ્યોમાં કોરોના વાયરસના ડેલ્ટા અને ડેલ્ટા પ્લસ સિવાય પણ નવી કોઈ વેરિયન્ટ સામે આવ્યો છે કે શું? જેના કારણે આટલા કેસો અને મોતના આંકડા વધી રહ્યા છે?
કેરળમાં એક જ દિવસમાં 17 હજારથી પણ વધુ કેસો
ICMR સાથે જોડાયેલ સૂત્રો દ્વારા એક માહિતી સામે આવી છે કે કેરળ અને મહારાષ્ટ્રના સૌથી વધુ પ્રભાવિત જિલ્લાઓમાંથી નમૂના એકઠા કરવામાં આવ્યા છે. વધુમાં એ માહિતી સામે આવી છે કે નવા વેરિયન્ટને જાણવા માટેની પ્રક્રિયા લગભગ પૂરી થઈ ગઈ છે. સૂત્રોના જણાવ્યા મુજબ શુક્રવારે બપોર સુધીમાં કેન્દ્રીય સ્વાસ્થ્ય મંત્રાલય દ્વારા જો કોઈ નવો વેરિયન્ટ સામે આવ્યો હશે તો તે વિશે પુષ્ટિ કરવામાં આવશે. ICMR સાથે જોડાયેલ એક્સપર્ટનું કહેવું છે કે આ બંને રાજ્યોમાં વધતાં કેસો એ ઘણો ચિંતાનો વિષય છે. જેના કારણે વેરિયન્ટની તપાસ કરવી એ ઘણું અગત્યનું છે.