પૂરતી ઊંઘ / શિયાળામાં વજનદાર ધાબળો ઓઢીને ઊંઘજો! મીઠી નિંદર આવે તેવો રિસર્ચમાં દાવો

નિષ્ણાતો પણ કહે છે કે, સારી જીવનશૈલી રાખવી હોય તો પૂરતી ઊંઘ લેવી જરૂરી છે. પૂરતી ઊંઘ લેવાથી શારીરિક અને માનસિક થાક દૂર થાય છે. તો ચાલો જાણીએ પૂરતી ઊંઘ લેવા માટે શું કરવું જોઈએ.

રિસર્ચમાં કરાયો દાવો

શિયાળામાં લોકોને ઊંઘની સમસ્યા થાય છે. ઓસ્ટ્રેલિયાની ફ્લિન્ડર્સ યુનિવર્સિટીમાં આ વિષય પર રિસર્ચ કરતાં જાણવા મળ્યું કે, હળવા ધાબળા ઊંઘમાં ખલેલ પહોંચાડે છે અને ઊંઘ પૂરી થતી નથી. ઊંઘ પૂરી ન થતાં લોકોનો સ્વભાવ ચીડિયો બની જાય છે. જ્યારે ભારે ધાબળાની નીચે જે લોકો સુવે છે, તેઓને ઊંઘ સારી આવે છે. સારી ઊંઘને કારણે મૂળ તાજગીભર્યું રહે છે અને થાક શરીરનો થાક પણ ઉતરી જાય છે.

વધુ વાંચો કબજિયાતની કંકાસ મટી! આ બે વસ્તુ શરીરની ગંદકીને આરામથી બહાર કાઢી નાખશે

હેવી બ્લેન્કેટની અસર

ભારે ધાબળા શરીર પર દબાણ લાવે છે, જેને આપણે પ્રેશર થેરાપી કહી શકીએ છીએ. આમાં, મગજમાં સેરોટોનિન અને મેલાટોનિનનું સ્તર વધે છે, જે ઊંઘ પ્રેરિત કરતા હોર્મોન્સ છે. આના થકી શરીર શાંત રહે છે અને તણાવમુક્ત ઊંઘ આવે છે.

શું કરવું ઊંઘ સુધારવા?

1- નિયમિત કસરત કરવી.

2- વધુ પડતાં કપડાં પહેરીને ન ઊંઘવું.

3- રાત્રે ભારે ખોરાક ન લેવો. જમ્યા પછી થોડી વાર વોક કરો, તરત ઊંઘ ન લો.

4- બેડરૂમમાં નાઈટ બલ્બ લગાવો.

5-બેડ હંમેશા સ્વચ્છ હોવો જોઈએ.

જો તમે તણાવને કારણે ઊંઘી શકતા નથી, તો સૂતા પહેલા થોડી મિનિટ માટે શ્વાસ લેવાનો યોગ કરો. આ પછી પણ જો તમને ઊંઘમાં તકલીફ થઈ રહી હોય તો તમે નજીકના ડોક્ટર સાથે વાત કરો.