રાજકોટ રેલવે સ્ટેશન પરની ચોંકાવનારી ઘટના સામે આવી. રેલવે સ્ટેન પર ટ્રેનમાં ચઢતી વખતે એક બાળક પડી જતા પાટા નીચે આવી ગયો હતો. માતા અને પુત્રમાં ટ્રેનમાં ચઢી રહ્યા હતા તે સમયે આ ઘટના બની. બાળકનો પગ લપસી જતા તે ટ્રેનના પાટા નીચે આવી ચઢ્યો. બાળક પરથી એક બે નહી પરંતુ 4 કોચ પસાર થઇ ગયા પણ બાળકનો વાળ પણ વાંકો ન થયો. સમગ્ર ઘટનામાં બાળક હેમખેમ રહેવા પાછળનું કારણ છે મહિલા કોન્સ્ટેબલ સોનું વર્મા.
ટ્રેનમાં ચઢતા પગ લપસતા પાટા નીચે આવ્યું બાળક
રાજકોટ રેલવે સ્ટેશનના સીસીટીવી ફૂટેજ સામે આવ્યા છે. જેમાં બાળક પાટા નીચે આવી જતા અફકાતફરીનો માહોલ પણ જોવા મળ્યો હતો. ઘટનાની જાણ થતા જ મહિલા કોન્સ્ટેબલ દોડતા જોવા મળી રહ્યા છે. 4 જુલાઇના રોજ માતા પુત્ર રાજકોટથી દાહોદ ટ્રેન મારફતે જઇ રહ્યા હતા તે સમયે આ ઘટના બનતા માતાનો જીવ ઊંચો થઇ ગયો. જો કે મહિલા કોન્સ્ટેબલે આવીને બાળકને જે સ્થિતિમાં છે તેમ જ રહેવા સૂચના આપી. પરિણામે બાળકનો જીવ બચી ગયો.
RPFના મહિલા કોન્સ્ટેબલની સૂચનાએ બચાવ્યો જીવ
ઘટનાને લઇને તમામ લોકો RPFના મહિલા કોન્સ્ટેબલ સોનુ વર્માની કામગીરીને બિરદાવી રહ્યા છે. સોશિયલ મીડિયા પર પણ તેમની કામગીરીના વખાણ થઇ રહ્યા છે. પુત્રને મોતના મુખમાંથી બહાર કાઢી લાવનાર મહિલા કોન્સ્ટેબલને બાળકની માતા ભેટીને રડી પડી. જેના સીસીટીવી ફૂટેજ પણ સામે આવ્યા હતા. મહત્વનુ છે કે ટ્રેનમાં ચઢતી વખતે અવારનવાર આવી ઘટનાઓ બને છે ત્યારે સાવચેતી રાખવી જરૂરી થઇ પડે છે.