ટેલિવિઝન રેટિંગ પોઇન્ટ(TRP) હેરાફેરી કૌભાંડમાં મુંબઇ પોલીસે મોટી કાર્યવાહી કરી છે અને ક્રાઇમ બ્રાંચે રિપબ્લિક ટીવીના સીઈઓ વિકાસ ખાનચંદાનીની ધરપકડ કરી છે. જણાવી દઈએ કે બનાવટી ટીઆરપી કેસમાં વિકાસ ખાનચંદાનીની મુંબઈ પોલીસ દ્વારા ઘણી વખત પૂછપરછ કરવામાં આવી છે.
મુંબઇ પોલીસની વધુ એક કાર્યવાહી
TRP કૌભાંડ મામલે રિપબ્લિક ટીવીના સીઈઓની કરી ધરપકડ
જાણો શું છે TRP કૌભાંડ
આપને જણાવી દઇએ કે, પોલીસ ક્રાઈમ ઇન્ટેલિજન્સ યુનિટ (સીઆઈયુ) કથિત ટેલિવિઝન રેટિંગ પોઇન્ટ (ટીઆરપી) કૌભાંડની તપાસ કરી રહી છે. આ મામલે અગાઉ પણ વિકાસ ખાનચંદાનીની અનેક વાર પૂછપરછ કરવામાં આવી છે. વિકાસ ખાનચંદાની, વરિષ્ઠ પત્રકાર અને ચેનલના મુખ્ય સંપાદક અર્ણવ ગોસ્વામીને પણ એક જૂના કેસમાં મુંબઈ પોલીસે ધરપકડ કરી હતી. જોકે બાદમાં કોર્ટે તેને જામીન આપી દીધા હતા.
Mumbai Police arrest Republic TV CEO Vikas Khanchandani in alleged TRP manipulation case. #Maharashtra
ઉલ્લેખનીય છે કે, ટેલિવિઝન રેટિંગ પોઇન્ટ (ટીઆરપી) કૌભાંડ આ વર્ષે ઓક્ટોબરમાં બહાર આવ્યું હતું, જ્યારે રેટિંગ એજન્સી બ્રોડકાસ્ટ ઓડિયન્સ રિસર્ચ કાઉન્સિલ (બીએઆરસી) એ હંસા રિસર્ચ ગ્રુપ દ્વારા ફરિયાદ નોંધાવી હતી. એવો આક્ષેપ કરવામાં આવ્યો હતો કે કેટલીક ન્યુઝ ચેનલોએ ટીઆરપીમાં સખ્તાઇ કરી હતી.