નવી દિલ્હી / રિપબ્લિક ડે પરેડમાં આ વર્ષે જોવા મળશે રામ મંદિરનું ટેબ્લુ, અયોધ્યા પર હશે UPની થીમ

• રિપબ્લિક ડે પરેડમાં આ વખતે રામ મંદિરનું ટેબ્લુ
• અયોધ્યા પર હશે UPની થીમ
• આંતરરાષ્ટ્રિય ખ્યાતિના મૃદંગાચાર્ય રામશંકરદાસની મૂર્તિ પણ દેખાડાશે

ઉત્તરપ્રદેશ તરફથી આ વખતે અયોધ્યામાં સાંસ્કૃતિક ધરોહરને જ થીમ બનાવવામાં આવ્યું છે. ટેબ્લુમાં અયોધ્યામાં દર વર્ષે થનારા દિપોત્સવના દર્શન કરાવવામાં આવશે. સાથે જ શબરીના એઠા બોર, નિષાદરાજને રામે ગલે લગાવ્યા, કેવટને આશીર્વાદ સહિત અન્ય દ્રશ્યોના ટેબ્લુમાં બતાવવામાં આવશે. ઉત્તરપ્રદેશ સરકાર તરફથી પોતાના ટેબ્લુમાં આંતરરાષ્ટ્રિય ખ્યાતિના મૃદંગાચાર્ય રામશંકરદાસની મૂર્તિ પણ દેખાડશે.

તમને જણાવી દઇએ કે, અયોધ્યામાં આ વર્ષે ઓગસ્ટમાં જ રામ મંદિરની પાયો નખાયો છે. ડિસેમ્બર મહિનામાં કામ શરૂ થવા જઇ રહ્યું છે, તેવામાં જાન્યુઆરીમાં ગણતંત્ર દિવસની પરેડમાં રામ મંદિરનું ટેબ્લુ દેખાય છે તો સમગ્ર દુનિયાની નજર અહીં રહેશે.

ઉત્તરપ્રદેશ સરકાર સતત અયોધ્યાના પર્યટનના માનચિત્રો પર ઉતારવામાં લાગી છે. અયોધ્યામાં હવે દર વર્ષે દિવાળી ભવ્ય રીતે મનાવવામાં આવી રહી છે. આ વર્ષે 6 લાખ દિવડાઓની સાથે દિપોત્સવ કરવામાં આવ્યો, જ્યારે આગામી વર્ષે 7 લાખ દિવડાઓનું લક્ષ્ય રાખવામાં આવ્યું છે.

તમને જણાવી દઇએ કે દર વર્ષે ગણતંત્ર દિવસ પર દિલ્હીમાં રાજપથ પર પરેડ નીકળે છે, જેમાં રાજ્યોની સંસ્કૃતિનું ટેબ્લુ દેખાઇ જાય છે. જાન્યુઆરી આવવાની છે, તેમાં રાજ્યો તરફથી પોતાની થીમ પર પ્રસ્તાવ મોકલવામાં આવી રહ્યો છે. આ વખતે બ્રિટનના પ્રધાનમંત્રી બોરિસ જૉનસન ભારતના મહેમાન બની શકે છે.