સ્પોર્ટસ / ઇંગ્લેન્ડમાં વાગશે ભારતનો ડંકો! મુકેશ અંબાણી ખરીદશે વિશ્વની સૌથી પ્રખ્યાત ફૂટબોલ ક્લબ

• ઉદ્યોગપતિ મુકેશ અંબાણીનો વધુ એક સોદો ચર્ચામાં
• ફૂટબોલ ક્લબ લિવરપૂલ ટૂંક સમયમાં ખરીદી શકે છે
• પહેલા જ IPL ટીમ મુંબઈ ઇન્ડિયન્સના માલિક છે

એશિયાના બીજા સૌથી અમીર વ્યક્તિ અને વિશ્વના આઠમા સૌથી અમીર વ્યક્તિ ભારતીય ઉદ્યોગપતિ મુકેશ અંબાણી એક મોટો સોદો કરવાના છે. રિલાયન્સ ઈન્ડસ્ટ્રીઝ લિમિટેડ (RIL)ના ચેરમેન અને IPL ટીમ મુંબઈ ઈન્ડિયન્સના માલિક હવે રમતગમત ક્ષેત્રે પોતાનું વર્ચસ્વ વધારી રહ્યા છે અને ફૂટબોલ ક્લબ લિવરપૂલ ટૂંક સમયમાં તેના પોર્ટફોલિયોમાં જોડાઈ શકે છે. 

લિવરપૂલને મળી શકે છે નવો માલિક
અહેવાલ અનુસાર, વિશ્વની સૌથી પ્રખ્યાત ફૂટબોલ ક્લબ લિવરપૂલ માટેનો સોદો ટૂંક સમયમાં પૂર્ણ થઈ શકે છે. એટલે કે તેની કમાન્ડ નવા માલિકના હાથમાં આવી શકે છે. જો અહેવાલો પર વિશ્વાસ કરવામાં આવે તો મુકેશ અંબાણીએ લિવરપૂલ ક્લબ વિશે તપાસ કરી છે અને એવા અહેવાલો છે કે તેઓ તેને ખરીદવાની તૈયારી કરી રહ્યા છે. નોંધપાત્ર વાત એ છે કે લગભગ એક દાયકા પહેલા પણ તેણે ભાગીદારીમાં તેને ખરીદવાની ઈચ્છા વ્યક્ત કરી હતી.  

વર્તમાન માલિક વેચવા માંગે છે ટીમ
રીપોર્ટના જણાવ્યા અનુસાર, ફૂટબોલ ક્લબ લિવરપૂલના વર્તમાન માલિક, ફેનવે સ્પોર્ટ્સ ગ્રુપ (FSG) તેને વેચવા માંગે છે અને ગ્રુપ દ્વારા આ ક્લબ માટે 4 બિલિયન પાઉન્ડ (લગભગ 381 અબજ રૂપિયા)ની કિંમત નક્કી કરવામાં આવી છે . જો કે, તેને ખરીદવાની રેસમાં અંબાણી મધ્ય પૂર્વ અને યુએસએ સાથે સ્પર્ધા કરશે. જો મુકેશ અંબાણી આ ડીલ પૂર્ણ કરશે તો તે એક મોટી ઉપલબ્ધિ હશે અને ભારતનો ઈંગ્લેન્ડમાં ડંકો વાગી જશે. 

મુકેશ અંબાણી સ્પોર્ટ્સ લવર છે 
મુકેશ અંબાણી મોટા સ્પોર્ટ્સ લવર્સ હોવાનું કહેવાય છે અને તેઓ સ્પોર્ટ્સ સેક્ટરમાં પણ પોતાનું વર્ચસ્વ વધારવાનો પ્રયાસ કરી રહ્યા છે. પહેલેથી જ IPLની મુંબઈ ઈન્ડિયન્સ ટીમ રિલાયન્સ ગ્રુપની છે. આ સિવાય તેણે ઈન્ડિયન સુપર લીગ સાથે ભારતમાં ફૂટબોલ ફેલાવવામાં પણ મદદ કરી છે. ક્રિકેટ ભલે ભારતમાં રમતમાં ટોચ પર હોય, પરંતુ જો લિવરપૂલ જેવી મોટી ક્લબની માલિકી ભારતીયોના હાથમાં આવે તો ફૂટબોલ ભારતમાં વધુ ઝડપથી ફેલાશે. 

🔴R🔴E🔴D🔴S🔴 pic.twitter.com/NQdQgq86lt

— Liverpool FC (@LFC) October 2, 2019

અંબાણી પાસે આ સંપત્તિઓ છે 
મુકેશ અંબાણીની લિવરપૂલ ખરીદવામાં રસ ખૂબ ચર્ચામાં છે. અહીં જણાવી દઈએ કે રિલાયન્સના ચેરમેન મુકેશ અંબાણી ટોપ-10 અબજોપતિઓની યાદીમાં આઠમા સ્થાને છે. આ યાદીમાં બે ભારતીય ઉદ્યોગપતિઓના નામ સામેલ છે, જેમાં બીજા અદાણી ગ્રુપના ચેરમેન ગૌતમ અદાણી છે. ફોર્બ્સના રિયલ ટાઈમ બિલિયોનેર્સ ઈન્ડેક્સ અનુસાર, મુકેશ અંબાણીની કુલ સંપત્તિ લગભગ $95 બિલિયન (94.7 બિલિયન ડૉલર) છે.