ક્રિકેટર ગૌતમ ગંભીર આ બેઠક પરથી લડી શકે છે આગામી ચૂંટણી:રિપોર્ટ્સ

દિલ્હી: ભારતીય ટીમના જાણીતા ક્રિકેટર ગૌતમ ગંભીર છેલ્લા 2 વર્ષથી ભલે આંતરરાષ્ટ્રીય ક્રિકેટથી દૂર રહ્યા હોય પરંતુ કોઇને કોઇ રીતે તેઓ સમાચારમાં આવતા રહ્યા છે. તાજેતરમાં ગૌતમ ગંભીર ફરીએક વર ચૂંટણીને લઇને ચર્ચામાં આવ્યા છે. 

ગતરોજ આવેલ સમાચાર મુજબ ભારતીય ટીમના જાણીતા બેટ્સમેન ગૌતમ ગંભીર ભાજપ સાથે હાથ મીલાવીને આગામી ચૂંટણીમાં ઝંપલાવી શકે છે. તાજેતરમાં પ્રાપ્ત થયેલ મીડિયા રિપોર્ટ્સ અનુસાર ગૌતમ ગંભીર ભારતીય જનતા પાર્ટી પાસેથી ટિકીટ લઇને દિલ્હીથી ચૂંટણી લડી શકે છે.

આપને જણાવી દઇએ કે ક્રિકેટરોને રાજકારણ સાથે વર્ષો જૂનો સંબંધ રહ્યો છે પછી તે નવજોત સિંહ સિદ્ઘુ ચેતન ચૌહાણ મોહમ્મ્દ અઝહરૂદ્દીન હોય કે પછી કીર્તિ આઝાદ પરંતુ હવે આ લિસ્ટમાં એક નવું નામ જોડાવવા જઇ રહ્યુ છે. ટીમ ઇન્ડિયામાં પોતાની શાનદાર બેટિંગ માટે જાણીતો ઑપનર બેટ્સમેન ગૌતમ ગંભીર હવે રાજનીતિમાં એન્ટ્રી કરવા જઇ રહ્યો છે. 

ભારતની રાજધાની દિલ્હીમાં હાલ આમ આદમી પાર્ટીની સરકાર છે ત્યારે ગૌતમ ગંભીરને ભાજપ દિલ્હી બેઠક પર ચૂંટણી આપી શકે છે. અત્રે ઉલ્લેખનીય છે કે જો ગૌતમ ગંભીર ચૂંટણી લડે છે તો તે સાંસદ અથવા મંત્રીપદે બિરાજી શકે છે.