એલન મસ્ક ટ્વિટર ડીલ કરી શકે તેવાં અહેવાલ સામે આવ્યાં છે. આથી જો તેઓ ડીલ કેન્સલ કરે તો તેઓએ મસમોટો દંડ ભોગવવો પડી શકે.
એલન મસ્કે Twitterને 44 બિલિયન ડોલરમાં ખરીદી લીધું
શું એલન મસ્ક હવે આ ડીલ કેન્સલ કરશે!
જો મસ્ક ડીલ કેન્સલ કરશે તો થઈ શકે છે 1 અબજ ડોલરનો દંડ
એલન મસ્કે Twitterને 44 બિલિયન ડોલરમાં ખરીદી લીધું છે. ત્યારે એલન મસ્ક હવે આ ડીલ કેન્સલ કરી શકે છે. આ અંગે એક નવો અહેવાલ સામે આવ્યો છે. જેમાં ઘણા કારણો આપવામાં આવ્યા છે કે જેના કારણે એલન મસ્કની ટ્વિટર ડીલ કેન્સલ થઈ શકે છે.
એલન મસ્ક ચાર વર્ષ પહેલાં પણ આવું કરી ચૂક્યા છે. તેઓએ See’s Candies ને ટક્કર આપવા માટે કૈંડી કંપની ખોલવાની જાહેરાત કરી હતી. પરંતુ, બાદમાં તેઓ તેમાંથી ખસી ગયા હતા. ત્યારે તેઓ ટ્વિટર સાથે પણ કંઇક આવું જ કરી શકે છે.
જો મસ્ક ડીલ કેન્સલ કરશે તો 1 અબજ ડોલરનો દંડ થઈ શકે છે
જો કે આ ડીલમાંથી તેઓ જો પીછેહઠ કરે છે તો તેમને 1 અબજ ડોલરનો દંડ થઈ શકે છે. કારણ કે આ અંગે કંપની અને તેમની વચ્ચે એક કરાર થયો છે, જેમાં ડીલ કેન્સલ કરનાર પાર્ટીએ 1 અબજ ડૉલરનો દંડ ભરવો પડશે.
આ ડીલ કેન્સલ કરવાનું સૌથી મોટું કારણ એ હોઇ શકે કે ટ્વિટરમાં તેમની ભાગીદારી સામે આવ્યા બાદ તેમની કંપની ટેસ્લાના શેર સતત ઘટી રહ્યાં છે. ટ્વિટર ડીલમાં તે કેટલાંક પૈસા ટેસ્લાના શેર વેચીને પણ આપવાના છે. પરંતુ, શેરની કિંમત ઓછી હોવાના કારણે તેમને અહીં સમસ્યાનો સામનો કરવો પડી શકે છે.
ચીનમાં ટ્વિટરનો બિઝનેસ બંધ છે જેથી મસ્કને મુશ્કેલી પડી શકે
અહીંયા ચીનનો પણ એક મોટો એંગલ છે. Tesla પોતાના વાહનોનું અડધું ઉત્પાદન ચીનમાં જ કરે છે અને કંપનીને ત્યાં પણ ઘણી આવક થાય છે. પરંતુ, ચીનમાં ટ્વિટરનો બિઝનેસ બંધ છે. એટલે કે અહીં પણ ફ્રી સ્પીચ પ્લેટફોર્મ ઈચ્છતા મસ્કને મુશ્કેલી પડી શકે છે.
આ અંગે એક અન્ય કારણ એવું જણાવવામાં આવી રહ્યું છે કે યુરોપમાં આવનારા સમયમાં કંપનીને મુશ્કેલીનો સામનો કરવો પડી શકે છે. યુરોપિયન યુનિયન કમિશનર થિયરી બ્રેટોન દ્વારા કહેવામાં આવ્યું કે, જો કંપની હાનિકારક સામગ્રી પર નજર નહીં રાખે તો તેના પર પ્રતિબંધ લગાવી શકાય છે.
આ તમામ મુશ્કેલીઓથી બચવા માટે મસ્ક આ ડીલમાંથી પીછેહઠ કરી શકે છે. આનું બીજું એક મોટું કારણ છે. ટ્વિટરનો સ્ટોક હાલમાં તેમની ઑફર કિંમતથી 11% નીચે ટ્રેડ થઈ રહ્યો છે. તેઓ કંપનીના અનેક પગલાઓની સતત ટીકા પણ કરી રહ્યાં છે. આ કારણે આ ડીલ કેન્સલ થવાની શક્યતાઓ પણ વધી રહી છે અને આવું પહેલી વાર નહીં થાય.