વિશ્વના કુલ વાહનોના માત્ર એક ટકા જેટલા વાહનો ભારતમાં છે પરંતુ માર્ગ અકસ્માતોને કારણે થયેલા વિશ્વના 11 ટકા મૃત્યુ ભારતમાં થાય છે.
માર્ગ અસ્કમાતોને લઈને વર્લ્ડ બેન્કનો રિપોર્ટ
ભારતમાં દર વર્ષે સાડા ચાર લાખ જેટલા માર્ગ અકસ્માત થાય છે : રિપોર્ટ
ભારત વિશ્વના કુલ વાહનોના માત્ર એક ટકા જેટલા વાહનો ધરાવે છે
વર્લ્ડબેંકના એક અહેવાલમાં આ માહિતી આપવામાં આવી છે. ભારતમાં વાર્ષિક સાડા ચાર લાખ માર્ગ અકસ્માત થાય છે, જેમાં દોઢ લાખ જેટલા લોકો મોત નિપજે છે.
ભારત કુલ વાહનોના માત્ર એક ટકા વાહનો જ ધરાવે છે
ભારત વિશ્વના કુલ વાહનોના માત્ર એક ટકા જ વાહનો ધરાવે છે પરંતુ માર્ગ અકસ્માતોને કારણે થતાં કુલ મોતમાં વિશ્વના 11 ટકા મૃત્યુ ભારતમાં થાય છે. વર્લ્ડબેંકના એક અહેવાલમાં આ માહિતી આપવામાં આવી છે. ભારતમાં વાર્ષિક સાડા ચાર લાખ માર્ગ અકસ્માત થાય છે, જેમાં લગભગ દોઢ લાખ જેટલા લોકો જીવ ગુમાવે છે.
રિપોર્ટમાં કહેવામાં આવ્યું છે કે ભારતમાં માર્ગ અકસ્માતમાં સૌથી વધુ જાનહાનિ થાય છે. વિશ્વના વાહનોનો માત્ર એક ટકા હિસ્સો ભારતમાં છે, પરંતુ માર્ગ અકસ્માતમાં વિશ્વવ્યાપી મૃત્યુદરમાં ભારતનો હિસ્સો 11 ટકા છે. દેશમાં દર કલાકે 53 માર્ગ અકસ્માત થાય છે અને દર ચાર મિનિટમાં એક વ્યક્તિનું મૃત્યુ થાય છે. વર્લ્ડબેંકના અહેવાલ મુજબ, છેલ્લા દાયકામાં ભારતીય માર્ગો પર 13 લાખ લોકોનાં મોત નીપજ્યાં છે અને આ ઉપરાંત 50 લાખ જેટલા લોકો ઘાયલ થયા છે.
વર્ષે 5.96 લાખ કરોડનું થાય છે નુકસાન: વર્લ્ડ બેન્કનો રિપોર્ટ
રિપોર્ટમાં કહેવામાં આવ્યું છે કે ભારતમાં માર્ગ અકસ્માતોને કારણે 5.96 લાખ કરોડ રૂપિયાનું નુકસાન થયું છે, જે કુલ ઘરેલુ ઉત્પાદન (જીડીપી) 3.14 ટકા જેટલું છે. કેન્દ્રીય સડક પરિવહન અને રાજમાર્ગ મંત્રાલય દ્વારા તાજેતરમાં કરવામાં આવેલા અધ્યયનમાં એવો અંદાજ લગાવવામાં આવ્યો છે કે ભારતમાં માર્ગ અકસ્માતથી સામાજિક અને આર્થિક રૂપે 1,47,114 કરોડનું નુકસાન થાય છે, જે જીડીપીના 0.77 ટકા જેટલું છે.
મંત્રાલયના જણાવ્યા અનુસાર, માર્ગ અકસ્માતોનો ભોગ બનેલા 76.2 ટકા લોકો એવા લોકો છે જેની ઉંમર 18 થી 45 વર્ષની વચ્ચે છે. એટલે કે, આ લોકો વર્કિંગ વય જૂથના છે. વૈશ્વિક સ્તરે, માર્ગ અકસ્માત એ મૃત્યુનું આઠમું સૌથી મોટું કારણ છે. વર્લ્ડ બેંકના રિપોર્ટ અનુસાર, ઓછી આવક ધરાવતા દેશોમાં માર્ગ અકસ્માતોનું પ્રમાણ ઉચ્ચ આવકવાળા દેશો કરતા ત્રણ ગણા વધારે છે. અહેવાલ મુજબ, ભારતમાંથી મેળવેલા ડેટા આ નિષ્કર્ષને વધુ પુષ્ટિ આપે છે.