ફાયદો / ખાંડની જગ્યાએ નાંખો આ વસ્તુઓ, ચાની ચુસ્કીમાં પણ મળશે હેલ્થનો જોરદાર ફાયદો

• ખાંડનો વપરાશ ઓછો કરો તેટલુ ફાયદામાં
• ચામા ખાંડને બદલે ગોળ વાપરો
• ચા મીઠી અને સ્વાસ્થ્યપ્રદ બનશે

સવારે ઉઠીને જો સૌથી પહેલા કોઇ વસ્તુ જોઇએ તો તે છે ચા. ચા વિના સવાર ન પડે. તેમા પણ પાછી ચા જો સારી ન બની હોય તો દિવસ ખરાબ જાય. આવુ આપણે કહેતા હોઇએ છીએ. કોઇને ગળી તો કોઇને એકદમ કડક ચા પીવાની ટેવ હોય છે . પણ શું તમને ખબર છે, આપણે ચામાં ખાંડ નાંખીએ છીએ તે કેટલુ જોખમી છે.  ચામાં ખાંડનો ઉપયોગ વજન વધારે છે. તેમાં પણ ડાયાબિટીસના દર્દીઓ માટે ખાંડ ઝેરથી ઓછુ નથી. પરંતુ શું તમને ખબર છે કે ખાંડ વિના પણ ચા મીઠી બનાવી શકાય છે, ત્યારે ચાલો જાણીએ એવુ તો શું ચામા ઉમેરવુ કે ચા મીઠી બને અને સ્વાસ્થ્ય પ્રદ બને.

ગોળ

ચામાં ખાંડની જગ્યાએ ગોળનો ઉપયોગ કરવામાં આવે તો સ્વાસ્થ્ય માટે લાભાદાયી નીવડે છે. ગોળ ખાવાથી શરીરનું તાપમાન નિયંત્રિત રહે છે. એટલું જ નહી આ એક એન્ટી એલર્જીક અને એન્ટી ઇન્ફ્લેમેટરી ગુણોથી ભરપૂર છે. જે અસ્થમાના દર્દીઓ માટે ઘણો જ ફાયદાકારક સાબિત થાય છે.

મેપલ સીરપ

મેપલ સીરપ વિવિધ પ્રકારના ખનિજો અને વિટામિન્સ તેમજ એન્ટી-ઓક્સિડન્ટ ગુણધર્મોથી સમૃદ્ધ છે. એટલું જ નહીં, તેમાં કેલરી પણ ઘણી ઓછી હોય છે, તેથી તેને ખાંડનો સ્વાસ્થ્યપ્રદ વિકલ્પ માનવામાં આવે છે. તમે ખાંડને બદલે મેપલ સીરપ ઉમેરીને તમારી ચા અથવા કોફીનો સ્વાદ વધારી શકો છો. જો કે, ધ્યાનમાં રાખો કે ડાયાબિટીસના દર્દીઓએ ડૉક્ટરની સલાહ લીધા પછી જ લેવું જોઈએ.

કોકોનટ સુગર

આજકાલ બજારમાં ઘણી પ્રકારની ખાંડ ઉપલબ્ધ છે, જેમાં કોકોનટ સુગર એટલે કે નાળિયેરમાંથી બનેલી ખાંડનો સમાવેશ થાય છે.આ ખાંડ વિવિધ પ્રકારના પોષક તત્વોથી સમૃદ્ધ છે, તેથી જો તમે ઇચ્છો, તો તમે તમારી ચા અને કોફીમાં કોકોનટ સુગર ઉમેરી શકો છો.

મધ
આપણે બધા જાણીએ છીએ કે મધ ગુણોથી ભરપૂર છે. તે ખાંડનો સારો વિકલ્પ છે. મધને ફરી ક્યારેય ગરમ કરવામાં આવતું નથી, કારણ કે આયુર્વેદ અનુસાર, એક જ ગુણવત્તાની વસ્તુઓ એકસાથે ખાવાથી સ્વાસ્થ્ય ખરાબ થઈ શકે છે. તેથી, જ્યારે ચા ગરમ થઈ જાય, ત્યારે તેમાં સ્વાદ અનુસાર મધ ઉમેરવામાં આવે.

કિસમિસ

તમે ચા અથવા કૉફીને મધુર બનાવવા માટે કિસમિસ પણ ઉમેરી શકો છો. આમ કરવાથી ચામાં સારો સ્વાદ પણ આવશે અને તે સ્વાસ્થ્ય માટે પણ ફાયદાકારક બનશે. કિસમિસનું સેવન કરવાથી શરીરમાં ક્યારેય લોહીની કમી નથી થતી. જેના કારણે હાડકા પણ મજબૂત રહે છે.