દાવો / બાપ રે..., નાના ડબ્બા જેવાં રૂમનું ભાડું આટલું બધું! જે શરૂ થતાં જ ખતમ થઈ જાય છે, જુઓ વાયરલ Video

Bangalore Viral Video : હાલના સમયમાં રોજગારની શોધમાં લોકો પોતાનું ઘર છોડીને પૈસા કમાવવા માટે વિદેશ જાય છે. હવે તેઓ વિદેશ જતાની સાથે જ તેમના રહેવા અને ખાવાની વ્યવસ્થા કરવી પડે છે, પરંતુ વિદેશમાં અજાણ્યા લોકો તેમને લૂંટવામાં કોઈ કસર છોડતા નથી. ભાડાનો ઓરડો હોય કે ખાવા-પીવાની વસ્તુઓ... તેમને દરેક વસ્તુની ભારે કિંમત ચૂકવવી પડે છે. આપણા જ દેશના ઘણા રાજ્યોમાં પરિસ્થિતિ એવી છે કે, તે શહેરોમાં એક રૂમનું ભાડું લોકોના પગાર કરતાં વધુ છે.

સિલિકોન સિટી બેંગલુરુ સહિત દેશના મોટા શહેરોમાં ભાડાના ઘરમાં રહેવું મોંઘુ થઈ ગયું છે. ઘરના ભાડા દર વર્ષે આસમાને પહોંચી રહ્યા છે. કિંમત એટલી ઊંચી છે કે, ઓછી આવક ધરાવતા લોકો પણ આશ્ચર્યચકિત થઈ જશે. કર્ણાટકની રાજધાની બેંગલુરુમાં એક BR રૂમ (એક બેડરૂમ અને એક બાલ્કની) નું ભાડું જાણીને તમને નવાઈ લાગશે.

દર મહિને 25 હજાર રૂપિયા ભાડું

સોશિયલ મીડિયા પર એક યુવકનો વીડિયો વાયરલ થઈ રહ્યો છે જેમાં તે પોતાનો ફ્લેટ બતાવી રહ્યો છે. આ યુવાન એક રૂમ અને બાલ્કનીવાળા નાના ફ્લેટ માટે દર મહિને લગભગ 25,000 રૂપિયા ચૂકવી રહ્યો છે. હવે લોકો વિચારી રહ્યા છે કે સ્ટોર રૂમ કરતા પણ નાના આ ફ્લેટનું ભાડું આટલું મોંઘુ કેમ છે?

વધુ વાંચો : CM હાઉસ નજીક દારૂડિયાએ આખો રોડ માથે લીધો, ચડી ગયો 80 ફૂટ ઊંચા ટાવર પર, અને જે થયું તે...!

બાથરૂમ કરતાં નાનો ફ્લેટ

વાયરલ થઈ રહેલા વીડિયોમાં યુવક પોતાનો ફ્લેટ બતાવે છે અને કહે છે કે, આ ફ્લેટમાં એક નાનો ઓરડો છે, જે બાથરૂમ કરતા પણ નાનો છે. તેની સાથે એક નાની બાલ્કની પણ છે. આ ફ્લેટનું માસિક ભાડું લગભગ 25,000 રૂપિયા છે. બેંગલુરુમાં ઘણા કામ કરતા છોકરાઓ અને છોકરીઓ આ રીતે પોતાનું જીવન જીવી રહ્યા છે. બેંગલુરુમાં ઘણા એવા યુવાનો પણ કામ કરી રહ્યા છે જેમનો પગાર મહિને 40 થી 50 હજાર રૂપિયા છે. તેમાંથી તે 25 હજાર રૂપિયા ભાડા તરીકે ચૂકવી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ