બૉલીવૂડના જાણીતા કોરિયોગ્રાફર રેમો ડીસોઝાને હાર્ટ એટેક આવ્યો છે. રેમો ડીસોઝાને મુંબઈની કોકિલાબેન હોસ્પિટલમાં દાખલ કરવામાં આવ્યા છે, જ્યાં તેની સારવાર ચાલી રહી છે. મીડિયા રિપોર્ટ્સ અનુસાર તેમની હાલત હમણાં સ્થિર છે.
બોલિવૂડના જાણીતા- કોરોયોગ્રાફરની તબિયત લથડી
કોકિલાબેન હોસ્પિટલમાં કર્યા દાખલ
કોરિયોગ્રાફર રેમો ડીસોઝાને હાર્ટ એટેક આવ્યો હતો
કોરિયોગ્રાફર રેમો ડીસોઝાને હાર્ટ એટેક આવ્યો હતો. આ પછી રેમો ડીસોઝાને મુંબઈની કોકિલાબેન હોસ્પિટલમાં દાખલ કરવામાં આવ્યા છે અને ICUમાં તેમની સારવાર ચાલી રહી છે.
રેમોએ એન્જીયોપ્લાસ્ટી સર્જરી કરાવી હતી
સૂત્રો અનુસાર રેમો ડીસોઝાએ કોકિલાબેન હોસ્પિટલમાં એન્જીયોપ્લાસ્ટી સર્જરી કરાવી હતી, ત્યારબાદ તેમની સ્થિતિ સ્થિર છે. આ સમય દરમિયાન રેમો ડિસોઝાની પત્ની લીઝેલ પણ તેની સાથે છે.
રેમો ડીસોઝાએ ઘણી બૉલીવુડ ફિલ્મોમાં ગીતોનું નૃત્ય નિર્દેશન કર્યું છે. આ સિવાય તેમણે ઘણી ફિલ્મોનું દિગ્દર્શન પણ કર્યું છે. તેમની છેલ્લી ફિલ્મ 'ABCD 2' હતી. આ સિવાય રેમો ડીસોઝાએ ઘણા રિયાલિટી શો પણ જજ કર્યા છે. તેમનો સૌથી જાણીતો રિયાલિટી શો ડાન્સ પ્લસ છે.