Renult Kwid ભારતીય બજારમાં ઘણી પૉપ્યુલર એન્ટ્રી લેવલ હેચબેક કાર છે. નવા સેફ્ટી નોર્મ્સ અને પ્રતિસ્પર્ધીથી મળી રહેલી ભારે ટક્કરને જોતા કંપનીએ Kwidનું નવુ વર્ઝન રજૂ કર્યુ છે.
નવી Renult Kwidને નવા સેફ્ટી અને કન્ફર્ટ ફિચર્સની સાથે લેસ કરી બજારમાં ઉતારાઇ છે. જોકે 2019 Renult Kwidની કિંમતમાં કોઇ ફેરફાર કરવામાં આવ્યો નથી. તેના એક્સ શો રૂમની કિંમંત 2.66 લાખ રૂપિયા છે.
Renultએ આવનારા સેફ્ટી નોર્મ્સને જોતા એબીએસ અને ડ્રાઇવર સાઇડ એરબેગ જેવા ફિચર્સ બધા વેરિયન્ટમાં આપી દેવાયા છે. તે ઉપરાંત આ એન્ટ્રી લેનલ હેચબેકમાં સીટ બેલ્ટ રિમાઇન્ડર રિવર્સ પાર્કિંગ કેમેરા અને ઓવરસ્પીડ એલર્ટ ફિચર પણ આપવામાં આવ્યા છે. kwidના ઇન્ફોટેન્મેન્ટ સિસ્ટમાં હવે એપલ કારપ્લે તેમજ એન્ડ્રોઇડ ઓટો સપોર્ટ મળશે.
મિકેનિકલી કારમાં કોઈ ફેરફાર નથી કરાયો. ક્વિડ બે એન્જિન ઓપ્શનમાં આવે છે. તેમાંથી એક 0.8-લિટરનું એન્જિન છે જે 54 પીએસનો પાવર અને 72 એનએમ ટોર્ક જનરેટ કરે છે. બીજુ 1.0- લિટરનું એન્જિન છે જે 68 પીએસનો પાવર અને 91 એનએમનો ટોર્ક જનરેટ કરે છે. બંને એન્જિમાં 5 સ્પીડ મેન્યુઅલ ટ્રાન્સમિશન સ્ટાન્ડર્ડ અપાયુ છે. 1.0-લિટરવાળા એન્જિનમાં 5 સ્પીડ ઓટોમેટિક ટ્રાન્સમિશનનો પણ ઓપ્શન છે.