કોરોના વાયરસ અને લૉકડાઉનની વચ્ચે જ્યારે કંપનીઓ પોતાના કર્મચારીઓની છટણી કરી રહી છે ત્યારે અનેક કંપનીઓ કર્મચારીઓના વેતન ઘટાડી રહી છે. અન્ય તરફ ફ્રાંસની ઓટોમોબાઈલ કંપની રેનૉ ઈન્ડિયાએ પોતાના કર્મચારીઓને રાહતના સમાચાર આપ્યા છે. કંપનીએ કર્મચારીઓને ગયા વર્ષથી પણ વધારે સેલેરી આપી છે અને હવે ઓગસ્ટમાં પ્રમોશન પણ આપશે.
કોરોના સંકટમાં ફ્રાંસની ઓટોમોબાઈલ કંપની રેનૉ ઈન્ડિયાએ પોતાના કર્મચારીઓને રાહતના સમાચાર આપ્યા છે. કંપની પોતાના 250થી વધુ કર્મચારીઓના વેતનમાં 15 ટકા સુધીનો વધારો આપ્યો છે. મીડિયા રિપોર્ટ્સ અનુસાર કંપનીને વર્ષ 2019માં વધારે ફાયદો થયો છે. કંપની તેનો ફાયદો પોતાના કર્મચારીઓને આપી રહી છે.
આ કર્મચારીઓને ગયા વર્ષથી વધારે વધશે સેલેરી, મળશે પ્રમોશન
સેલેરી વધારામાં ખાસ વાત એ છે કે નાણાંકીય વર્ષ 2020-21માં કંપની 15 ટકા સુધી સેલેરી વધારવા જઈ રહી છે. જ્યારે ગયા નાણાંકીય વર્ષ 2019-20માં ફક્ત 10-12 ટકાનો વધારો કરાયો હતો. સેલેરીમાં વધારો ફક્ત આરઆઈપીએલના કર્મચારીઓને મળશે, તેમાં એલાયન્સ પ્લાન્ટ નિસાન અને આરએન્ડડી ઓર્ગેનાઈઝેશન રેનૉ નિસાન ટેક્નોલોજી બિઝનેસ સેન્ટર ઈન્ડિયાને સામેલ કર્યા નથી. લૉકડાઉનના કારણે વેચાણમાં ભારે ઘટાડાની વચ્ચે રેનૉ ઈન્ડિયા પ્રાઈવેટ લિમિટેડ 30થી વધારે કર્મચારીઓને પ્રમોશન આપવા જઈ રહી છે જે ઓગસ્ટથી લાગૂ થશે.
સેલ્સ વધારવા માટે ડિસ્કાઉન્ટ આપી રહી છે રેનૉ
રેનૉ પોતાની કાર વેચવા માટે ભારે ડિસ્કાઉન્ટ આપી રહી છે. જૂન મહિનામાં Renault પોતાની કોમ્પેક્ટ એસયુવી ડસ્ટર પર 60 હજાર રૂપિયાનું ડિસ્કાઉન્ટ આપી રહી છે. ડસ્ટરની કિંમત 8.49 લાખ રૂપિયાથી શરૂ થાય છે. આ સિવાય કંપની પોતાની MPV Triber પર 30 હજાર રૂપિયાની બચતનો અવસર આપી રહી છે.
Triberના દિલ્હીમાં એક્સ શો રૂમની કિંમત 4.99 લાખ રૂપિયાથી શરૂ થાય છે. એટલું નહીં જો તમે રીનોલ્ટી નાની ક્વીડ ખરીદવાનું વિચારી રહ્યા છો તો જૂન મહિનામાં આ કાર પર તમે 35 હજારની બચત કરી શકો છો. આ કાર પર પહેલાં 3 મહિના સુધી કોઈ ઈએમઆઈ અને 8.99 ટકાના દરે રેટ ઓફ ઇન્ટરેસ્ટ ઓફર આપવામાં આવી રહી છે.