રેનો ઈન્ડિયાએ સોમવારે તેની પોપ્યુલર SUV રેનો ડસ્ટર ટર્બો પેટ્રોલ વર્ઝન લોન્ચ કરી દીધી છે. ટર્બો પેટ્રોલ એન્જિનવાળી ડસ્ટરની કિંમત 10.49 લાખથી 13.59 લાખ રૂપિયાની વચ્ચે છે. આ નવા વેરિઅન્ટની એક્સ શો રૂમ પ્રાઈસ છે. આ લોન્ચની સાથે જ નવી ડસ્ટર એસયૂવી મોડલ દેશમાં તેના સેગમેન્ટની સૌથી પોપ્યુલર એસયૂવી બની ગઈ છે. નવી રેનો ડસ્ટર ટોટલ પાંચ વેરિઅન્ટમાં મળશે. આ 3 મેન્યુઅલ ગિયરબોક્સ (RXE, RXS, RXZ) ઓપ્શન અને 2 X-Tronic CVT ઓપ્શનમાં ઉપલબ્ધ હશે.
અલગ-અલગ વેરિઅન્ટની આટલી છે કિંમત
ટર્બો પેટ્રોલ એન્જિનવાળી ડસ્ટરના RXE, RXS અને RXZ વેરિઅન્ટની એક્સ શોરૂમ કિંમત 10.49 લાખ, 11.39 લાખ અને 11.99 લાખ રૂપિયા છે. જ્યારે RXS ઓટોમેટિર વેરિઅન્ટની એક્સ શોરૂમ કિંમત 12.99 રૂપિયા છે. જ્યારે ઓટોમેટિક RXZની એક્સ શોરૂમ કિમત 13.59 લાખ રૂપિયા છે.
આ ગાડીઓ સાથે થશે ટક્કર
નવી રેનો ડસ્ટરની ટક્કર હ્યુન્ડાઈ ક્રેટા, કિઆ સેલ્ટોસ જેવી ગાડીઓ સાથે થશે. સાથે જ ડસ્ટર પાંચ લાખ રૂપિયા સસ્તી છે.
હ્યૂન્ડાઈ ક્રેટાની ટર્બો પેટ્રોલ વેરિઅન્ટની કિંમત 16.17 લાખ-17.21 લાખ રૂપિયાની વચ્ચે છે. જ્યારે કિઆ સેલ્ટોસ ટર્બોની પેટ્રોલ વેરિઅન્ટની કિંમત 15.54 લાખથી 17.29 લાખ રૂપિયાની વચ્ચે છે.
પ્રીમિયમ ફીચર્સ
SUVના ટોપ વેરિઅન્ટમાં એપલ કારપ્લે અને એન્ડ્રોઇડ સાથે 7 ઇંચની ટચસ્ક્રીન ઇન્ફોટેનમેન્ટ સિસ્ટમ, ઓટોમેટિક ક્લાઇમેટ કન્ટ્રોલ, હાઇટ અડજસ્ટેબલ ડ્રાઇવર સીટ, રિઅર વોશ અને વાઇપર, હિલ સ્ટાર્ટ આસિસ્ટ, ક્રૂઝ કન્ટ્રોલ, ઇલેક્ટ્રોનિક સ્ટેબિલિટી પ્રોગ્રામ અને રિવરેસ પાર્કિંગ કેમેરા વગેરે જેવાં ફીચર્સ આપવામાં આવશે. ટર્બો એન્જિનવાળી ડસ્ટરમાં પ્રોજેક્ટર હેડલેમ્પ, રૂફ રેલ્સ, ટિલ્ટ અડજસ્ટેબલ પાવર સ્ટિયરિંગ, પાવર વિંડો, રિમોટ સેન્ટ્રલ લોકિંગ, ઇલ્યુમિનેટેડ અને કૂલ્ડ ગ્લવબોક્સ, ડ્યુઅલ એરબેગ્સ, ABS, EBD, સ્પીડ અલર્ટ, સીટ બેલ્ટ રિમાઇન્ડર અને રિઅર પાર્કિંગ સેન્સર્સ જેવાં ફીચર્સ આપવામાં આવ્યા છે.
મેન્યુઅલ અને ઓટોમેટિક વેરિઅન્ટની માઈલેજ
કંપનીએ દાવો કર્યો છે કે, મેન્યુઅલ ગિયરબોક્સ વેરિઅન્ટ 16.5 કિમી પ્રતિ લીટર માઈલેજ આપે છે. જ્યારે સીવીટી ઓટોમેટિક ટ્રાન્સમિશન મોડલ 16.42 કિમી માઈલેજ આપે છે. 1.5 લીટર પેટ્રોલ મોડર કરતા નવી રેનો ડસ્ટરના પેટ્રોલ વેરિઅન્ટ વધુ સ્પોર્ટી દેખાય છે.