ભારતમાં હવે ફાસ્ટેગ ફરજિયાત કરી દેવામાં આવ્યુ છે. તેવામાં તેની સાથે જોડાયેલી એવી વસ્તુઓ જાણવી ખૂબ જરુરી છે અને જો તેમને તેનું ધ્યાન નહીં રાખો તો તમને મોટો આર્થિક ફટકો પણ પડી શકે છે.
કાર વેચતી વખતે ફાસ્ટેગ હટાવી લો
ફાસ્ટેગ નહીં હટાવો તો ખરીદનાર તેનો યૂઝ કરશે
ફાસ્ટેગનાં ટોલ ફ્રી નંબર પરથી પણ તેને ડિએક્ટિવ કરી શકશો
ગાડી વેચતી વખતે જુનુ ફાસ્ટેગ હટાવી લો
ફાસ્ટેગ હવે દેશભરમાં ફરજિયાત કર્યા બાદ હવે સરકાર તેનો યૂઝ ના કરનાર પાસેથી બેગણા પૈસા વસૂલ કરી રહી છે. તેની સાથે ઘણી પેટીએમથી લઈને વિવિધ બેંકો પણ ફાસ્ટેગની સુવિધા આપી રહી છે. આ બધાની વચ્ચે એવ વાત પણ છે જે જાણકારી રાખવી ખૂબ જરુરી છે. જેનાં પર અત્યાર ધ્યાન નહીં આપો તો ભવિષ્યમાં આર્થિક નુક્સાન પણ થઈ શકે છે. ફાસ્ટેગ લેતી વખતે તમે તમારા વોલેટ કે બેંક એકાઉન્ટ સાથે તેને લિંક કરો છો, જેનાથી ટોલ ટેક્સ દરમિયાન ભરવો પડતો ટેક્સ ઓટોમેટીકલી કપાઈ જાય છે. એવામાં જો તમે કાર વેચતી વખતે કે એક્સ્ચેન્જ કરતી વખતે જો જુનુ ફાસ્ટેગ નહી હટાવો તો તેનો ઉપયોગ કોઈ પણ કરી શકશે અને તેનાં પૈસા તમારા એકાઉન્ટમાંથી કપાતા રહેશે.
કાર ખરીદનાર વાપરી રહ્યો છે જુના માલિકનું ફાસ્ટેગ
નોએડામાં રહેતા એક વ્યક્તિએ આ ભુલ કરી તેણે કાર વેચતી વખતે તેનું ફાસ્ટેગ હટાવ્યું નહીં અને આશ્ચર્યની વાત એ છે કે જેને તેણે કાર વેચી તેનો નંબર પણ વ્યક્તિ પાસે નથી. હવે તે કાર ખરીદનાર ફાસ્ટેગનો ઉપયોગ કરી રહ્યો છે અને તેનાં પૈસા વેચનારનાં એકાઉન્ટમાંથી કપાઈ રહ્યાં છે. જ્યારે કાર વેચનાર વ્યક્તિએ ફાસ્ટેગ ડિએક્ટિવ કરવાની પ્રોસેસ શરુ કરી ત્યારે તેને ખબર પડી કે તેની પાસે ફાસ્ટેગમાં આપેલ સિરિયલ નંબર હોવો જરુરી છે નહીંતો તે ડિએક્ટિવ નહીં થાય. માટે તમારી પાસે જેટલી પણ કારમાં ફાસ્ટેગ હોય તેનાં સિરિયલ નંબરનો રેકોર્ડ રાખવો જરુરી છે.
ટોલ ફ્રી નંબરથી ડિએક્ટિવ કરી શકશો
જો આપ કાર વેચી રહ્યાં છો તો હિતાવહ છે કે તમને તેમાંથી તમારુ ફાસ્ટેગ હટાવી લો. જો કોઈ કારણેથી તે રહી જાય છે તો તમારે તમારા રજિસ્ટર્ડ મોબાઈલ નંબરથી ફાસ્ટેગનાં ટોલ ફ્રી નંબર 1800-120-4210 પર કોલ કરવો પડશે અને જેની પાસેથી ફાસ્ટેગ એક્ટિવેટ કરાવ્યું છે. ત્યાંથી તમારા મોબાઈલ પર લિંક આવશે જ્યાં તમે ગાડીનો રજિસ્ટ્રેશન નંબર, ફાસ્ટેગનો સિરિયલ નંબર નાંખવો અનિવાર્ય રહેશે ત્યારબાદ જ તમે તેને ડિએક્ટિવ કરી શકશો.