PFIની આશંકાએ બેટ દ્વારકામાં પોલીસના લોખંડી બંદોબસ્ત વચ્ચે કર્ફ્યૂ જેવા માહોલમાં ગેરકાયદેસર દબાણોનો કડૂસ્લો બોલાવાઈ રહ્યો છે.
બેટ દ્વારકા ખાતે ચાલી રહેલા મેગા ઓપરેશનનો મામલો
કોમર્શિયલ વિસ્તારમાં તંત્ર દ્વારા બુલડોજર ફેરવાયુ
10 જેટલા શકમંદોને પોલીસે પૂછપરછ માટે કર્યા ડીટેઈન
દેશભરમાં છેલ્લા કેટલાય સમયથી NIA દ્વારા PFIના જુદા-જુદા સ્થળોએ દરોડા પાડવામાં આવ્યા છે. તેવામાં PFIની આશંકાને પગલે દ્વારકામાં મોટું ઑપરેશન હાથ ધરવામાં આવ્યું છે. જેને લઇને પોલીસ જવાનોના જડબેસલાક બંદોબસ્ત વચ્ચે બેટ દ્વારકામાં દબાણ હટાવાની કામગીરી ચાલી રહી છે. બેટ, દ્વારકા સહિતના અન્ય નિર્જન ટાપુ પર મેગા ઓપરેશન હાથ ધરાઈ રહ્યું છે. તંત્ર દ્વારા કોમર્શિયલ વિસ્તારમાં બુલડોઝર ફેરવી દેવામાં આવ્યું છે. ઉપરાંત 10 જેટલા શકમંદોને પણ પોલીસે ઉઠાવી લઇ પૂછપરછ માટે ડીટેઈન કર્યા છે. વધુમાં ઓખા નજીક આવેલા બંદરો પર દંગા પર ડીમોલીશન થઇ શકે છે.
બેટ દ્વારકા સહિતના અન્ય નિર્જન ટાપુ પર થશે મેગા ઓપરેશન
યાત્રાધામ બેટ દ્વારકામાં PFI કનેક્શનની આશંકાએ કથિત ગેરકાયદેસર પ્રવૃત્તિઓ અને સરકારી જમીનો ઉપર ખડકાયેલા દબાણોને ડામી દેવા માટે મેગા ડિમોલીશન સહિતનો તખ્તો તૈયાર કરી દેવાયો છે. દ્વારકામાં સવારથી જ પોલીસ અધિકારઑએ ધામા નાખ્યા છે. જે ને લઇને રેન્જ IG ના માર્ગદર્શન હેઠળ 3 એસપી, 9 dysp અને 20 pi થતાં psi સહીતના એક હજારથી પણ વધુ પોલીસ જવાનોના લોખંડી બંદોબસ્ત વચ્ચે કાર્યવાહી ચાલી રહી છે. આથી બેટ દ્વારકામાં કર્ફ્યૂ જેવો માહોલ છે. આ બે દિવસ દરમિયાન સરકારી જમીનો પર ગેરકાયદેસર ધાર્મિક દબાણો અને ગેરકાયદેસર દબાણો દૂર થવાની શક્યતા સેવવામાં આવી રહી છે.
આ મેગા ઓપરેશન હજુ 2 થી 3 દિવસ ચાલશે તેવી શક્યતા
સૂત્રો તરફથી મળતી માહિતી અનુસાર, આ ઑપરેશન માટે ભારે સતર્કતાથી કાર્યવાહી આગળ ધપી રહી છે. કથિત દેશદ્રોહી કૃત્યો મામલે પણ રાજય-કેન્દ્રની એજન્સીઓને પ્રાપ્ત થયેલા મનાતા અમુક ઇનપુટના આધારે આ ઑપરેશન હાથ ધરાઇ રહ્યું હોવાનું આધારભૂત સૂત્રોમાંથી જાણવા મળી રહ્યું છે. બેટ દ્વારકામાં ધર્મના નામે અમુક કથિત ગેરકાયદે પ્રવૃત્તિ મેગા ઓપરેશનથી ડામી દેવાશે અને આવા ગેરકાયદે બાંધકામો દૂર કરાશે. આ મેગા ઓપરેશન હજુ 2 થી 3 દિવસ ચાલે તેવી શક્યતાઑ વ્યક્ત કરવામાં આવી રહી છે.
કેન્દ્ર સરકારે PFIને ગેરકાયદેસર સંગઠન જાહેર કરી 5 વર્ષ માટે મૂક્યો છે પ્રતિબંધ
ઉલ્લેખનીય છે કે, દરોડા અને ધરપકડ બાદ ગત 28 સપ્ટેમ્બરે કેન્દ્ર સરકારે પોપ્યુલર ફ્રન્ટ ઓફ ઇન્ડિયા એટલે કે પીએફઆઇ અને તેની સાથે જોડાયેલા 8 સંગઠનો પર પ્રતિબંધ લગાવી દીધો છે. કેન્દ્રીય ગૃહ મંત્રાલયે આ માટે નોટિફિકેશન જાહેર કર્યું હતું. આ પ્રતિબંધ ગેરકાયદેસર પ્રવૃત્તિ નિવારણ અધિનિયમ (UAPA) હેઠળ લાદવામાં આવ્યો છે.