વડોદરાઃ રાજ્યભરમાં કોર્પોરેશનના અધિકારીઓ દ્વારા ગેરકાયદેસર બાંધકાંમ દુર કરવામાં આવી રહ્યા છે. ત્યારે વડોદરામાં પણ છેલ્લા 11 દિવસથી તંત્ર દ્વારા કાર્યવાહી કરવામાં આવી રહી છે. વડોદરા કોર્પોરેશને શહેરના 290થી પણ વધુ કોમ્પેલેક્ષો હોટલ હોસ્પિટલ બેન્કોને નોટિસ પાઠવી છે. પાર્કિગમાં થયેલા ગેરકાયદે દબાણ તોડવાના આદેશ આપવામાં આવ્યા છે.
જેમાંથી કોર્પોરેશને 50થી વધુ બિલ્ડીગોમાં પાર્કિગના દબાણ ખુલ્લા કરાવ્યા છે. કોર્પોરેશનના અધિકારીઓ દ્વારા દરરોજ દબાણ તોડવાની કામગીરી કરવામાં આવી રહી છે. પરંતુ આ દબાણ માત્ર સામાન્ય જનતાના જ તોડતા હોવાનો કોર્પોરેશન પર કોંગ્રેસે આરોપ લાગ્યો છે.
કોંગ્રેસ દ્વારા આક્ષેપ કરવામાં આવ્યા છે કે તંત્ર દ્વારા મનુભાઈ ટાવરના પાર્કિગમાં દબાણને કોર્પોરેશન તોડવામાં આવી નથી. આ કોમ્પ્લેક્ષ કોર્પોરેશનના સિનિયર ભાજપ કોર્પોરેટર અજીત પટેલની માલિકીનું છે. વિપક્ષ સત્તાધીશો અને અધિકારીઓ સામે માત્ર દેખાડા પુરતી કામગીરી કરતા હોવાનો આક્ષેપ કરી રહ્યા છે.