બોલિવૂડના જાણીતા કોરિયોગ્રાફર રેમો ડિસૂઝાને થોડાં સમય પહેલાં જ હાર્ટ એટેક આવ્યો હતો, જેના કારણે તેને હોસ્પિટલમાં ભરતી કરવામાં આવ્યો હતો. તેની તબિયત લથડતાં તેના પરિવારની હાલત પણ ખરાબ થઈ ગઈ હતી, પરંતુ હવે રેમોની તબિયત પહેલાં કરતાં ઘણી જ સારી છે અને તેને હોસ્પિટલમાંથી રજા પણ મળી ગઈ છે. હાલમાં જ એક ઈન્ટરવ્યૂમાં રેમોએ જણાવ્યું કે, આવા કપરાં સમયમાં કઈ રીતે સલમાને તેની મદદ કરી. તેણે જણાવ્યું કે, ભલે તેની સલમાન સાથે વધુ વાતચીત નથી થતી પરંતુ આ મુશ્કેલ સમયમાં તેણે અમારી ખૂબ જ મદદ કરી.
રેમો ડિસૂઝાએ સલમાનને ગણાવ્યો મસીહા
રેમોએ સલમાનનું દિલ સોનાનું હોવાનું કહ્યું
રેમોએ કહ્યું- આ મુશ્કેલ સમયમાં તેણે અમારી ખૂબ જ મદદ કરી
સલમાન વિશે વાત કરતાં રેમોએ સલમાનનું દિલ સોનાનું હોવાનું કહ્યું છે. સાથે જ 'ભાઈજાન'ને દેવદૂત ગણાવ્યો છે. મૈં તેમની સાથે કામ કર્યું છે અને હું જાણું છું કે તેઓ કેટલા અનમોલ છે. મારી સલમાન સાથે ઓકે સર, યસ સર બસ એટલી જ વાત થાય છે. હકીકતમાં મારી પત્ની સલમાનની ઘણી જ નજીક છે. હું હોસ્પિટલમાં ભરતી થયો કે તરત જ લિઝેલે સલમાનને કોલ કરી દીધો. હું 6 દિવસ હોસ્પિટલમાં રહ્યો ત્યારે સલમાને ધ્યાન રાખ્યું કે મારો ઈલાજ બરાબર થઈ રહ્યો છે કે નહીં. એટલે સુધી કે ભાઈજાને પોતે ડોક્ટર સાથે પણ વાત કરી.
રેમોએ હાર્ટ એકેટ વિશે વાત કરતા કહ્યું- રોજની જેમ હું અને લિઝેલ જિમમાં ગયા હતા. હું મારા ટર્નની રાહ જોઈ રહ્યો હતો અને પછી મૈં ટ્રેડમિલ પર દોડવાનું શરૂ કર્યું અને મારી બોડીને સ્ટ્રેચ કરી રહ્યો હતો. લિઝેલે તેનો ટર્ન પતાવ્યો તો હું ઊભો થઈ ગયો અને ત્યારે મને અચાનક ચેસ્ટમાં વચ્ચે દુખાવો થવા લાગ્યો. મને લાગ્યું કે એસિડિટીને કારણે આવું થતું હશે, તો મૈં પાણી પી લીધું. પણ તેમ છતાં દુખાવો થઈ રહ્યો હતો. પછી અમે એલિવેટરમાં ઉપર ગયા અને લિફ્ટમાંથી બહાર નીકળ્યો તો મને પુષ્કળ ખાંસી થવા લાગીય.
રેમો ડિસૂઝાએ આગળ જણાવ્યું- લિઝેલે મારી સ્માર્ટ વોચ જોઈ, જેમાં તેણે મારી હાર્ટબીટ ચેક કરી. એ જોઈને તેણે કહ્યું કે શું તમારી તબિયત સારી નથી. દુખાવો એવો હતો, જેવો મને પહેલાં ક્યારેય નહોતો થયો. હોસ્પિટલ પહોંચ્યા તો ડોક્ટરે કહ્યું- આ એક મેજર હાર્ટ એટેક છે. મને જણાવવામાં આવ્યું કે મારી ડાબી આર્ટરીમાં 100 ટકા બ્લોકેજ થઈ ગયું છે. સામાન્ય રીતે સાધારણ વ્યક્તિનું હાર્ટ 55 ટકા કામ કરે છે પરંતુ જ્યારે મને હોસ્પિટલમાં લઈ જવામાં આવ્યો ત્યારે મારું માત્ર 25 ટકા હાર્ટ કામ કરી રહ્યું હતું. મને લાગ્યું કે આ મારી સાથે શું થઈ ગયું.