કોરિયોગ્રાફર રેમો ડિસૂઝાને હાર્ટએટેકના કારણે મુંબઈની કોકિલાબેન હોસ્પિટલમાં એડમિટ કરાયા હતા. તેમને હોસ્પિટલથી રજા મળતાં જ પરિવારે આ રીતે તેમનું સ્વાગત કર્યું હતું. હાલમાં તેમની તબિયત પહેલાં કરતાં ઘણી સારી છે. વીડિયોમાં જુઓ સ્વાગતનો અંદાજ.
રેમો ડિસૂઝાને મળી હોસ્પિટલમાંથી રજા
પરિવારે કર્યું જોરદાર સ્વાગત
રેમોએ ફેન્સનો પણ માન્યો આભાર
રેમોએ સોશ્યલ મીડિયા પર એક વીડિયોની મદદથી પોતાને જણાવ્યું છે કે તેઓ સાજા છે. તેઓએ પોતાના તમામ ફેન્સનો પણ આભાર માન્યો છે. હંમેશાની જેમ આ વખતે ણ તેઓએ એક ખાસ વીડિયોની મદદથી સંદેશ ફેન્સ સુધી પહોંચાડ્યો છે.
સોશ્યલ મીડિયા પર રેમોએ એક સ્લો મોશન વીડિયો શેર કર્યો છે. વીડિયોમાં જોવા મળી રહ્યું છે કે હોસ્પિટલથી રજા મળ્યા બાદ રેમોનું જોરદાર રીતે સ્વાગત કરાયું છે. અનેક બલૂન્સથી તેમનું વેલકમ કરાયું હતું.
વીડિયોમાં રેમો ફિટ જોવા મળી રહ્યા છે
વીડિયોમાં ગણપતિ બાપ્પાનું ગીત પણ ચાલી રહ્યું છે અને એક્ટર ડાન્સની મદદથી કહી રહ્યા છે કે હવે તેઓ ફિટ છે અને તેઓ લખે છે કે દરેકને પ્રેમ અને દુઆઓ, દિલથી આભાર. મારા તમામ મિત્રોનો પણ આભાર. સોશ્યલ મીડિયા પર આ વીડિયો ખૂબ જ વાયરલ થઈ રહ્યો છે. 15 કલાકમાં વીડિયોને 1 મિલિયનથી વધારે વ્યૂઝ મળ્યા છે. તેઓ હવે ફિટ એન્ડ ફાઈન જોવા મળી રહ્યા છે.
જ્યારે રેમો હોસ્પિટલમાં એડમિટ હતા ત્યારે તેમના મુત્રો ધર્મેશ, પુનીતનો સાથ સારો એવો રહ્યો હતો. ધર્મેશે તો અનેક અવસરે આગળ આવીને કોરિયોગ્રાફરનું હેલ્થ અપડેટ પણ આપ્યું હતું. સોશ્યલ મીડિયા પર જે વીડિયો શેર કરાયો છે તેમાં રેમો થોડા નબળા દેખાઈ રહ્યા છે. એવામાં તે તરત કામ પર પરત આવશે નહીં, તેઓ થોડા દિવસના આરામ બાદ કામ પર પરત આવશે.