ફાયદાકારક / બીમારીઓથી બચવું હોય તો ખરાબ પાચનતંત્રને જલ્દીથી કરો ઠીક, આ ઉપાયો પેટના રોગો અને કબજિયાત માટે રામબાણ

• પાચનતંત્ર અંગેની નાની-મોટી તકલીફોનો દરેક વ્યક્તિને થાય છે
• આ કારણોથી બગડે છે પાચન
• સરળ ઉપાયો દ્વારા પાચનને બનાવો મજબૂત

સામાન્ય રીતે દિવસમાં ત્રણ વખતથી સપ્તાહમાં ત્રણ વખત સુધી શૌચ કરવા જવું તંદુરસ્તીની નિશાની છે. તેમ છતાં ત્રણ દિવસ સુધી પેટ સાફ ન આવે તો તે વ્યક્તિને કબજિયાત છે એમ કહેવાય અથવા તો બળ કર્યા પછી મળ પસાર થાય કે પેટ સાફ ન થયા જેવું લાગે તેને પણ કબજિયાતની સ્થિતિ કહેવામાં આવે છે.

કબજીયાત થવાના કારણો

• ભોજનમાં ફાયબરનો અભાવ
• શરીરમાં પાણીની ઉણપ
• ઓછું ચાલવું કે ઓછું કામ કરવું, કોઈ પણ પ્રકારની શારીરિક મહેનત ન કરવી
• કેટલીક દવાઓનું સેવન કરવું
• મોટા આંતરડામાં કોઈ ઈજાને કારણે કે આંતરડામાં કેન્સર
• થાયરોઈડ હોર્મોનનું ઓછું બનવું
• કેલ્શિયમ અને પોટેશિયમની અછત
• ડાયાબિટિસના દર્દીઓમાં પાચન સંબંધી સમસ્યાઓ
• ચા, કોફીનું વધુ સેવન કરવાથી, ધ્રૂમપાન કરવાથી કે દારૂ પીવાથી
• યોગ્ય સમયે ભોજન ન લેવાથી

અસરકારક નુસખાઓ

• રોજ બપોરે અને રાતે જમ્યા બાદ થોડો ગોળ ખાઈ લેવાથી એસિડિટીની સમસ્યા દૂર થાય છે અને ખોરાક સરળતાથી પચે છે. 
• પપૈયા, દ્રાક્ષ, અંજીર અને ઓરેન્જ ખાવાથી કબજિયાતની સમસ્યા દૂર થાય છે. રોજ સવારે 4-5 રાતે પાણીમાં પલાળેલાં અંજીર ખાવાથી પણ આ સમસ્યા દૂર થાય છે. 
• કેટલાક લોકોને લેક્ટોસ ઈનટોલરેન્સની સમસ્યા પેદા થાય છે. આ એક એવી સ્થિતિ હોય છે જેમાં વ્યક્તિને દૂધ કે દૂધમાંથી બનેલા ખાદ્ય પદાર્થોથી એલર્જી થાય છે. જેના કારણે ડાયરિયા કે કબજિયાતની સ્થિતિ પેદા થાય છે.
• કબજિયાત અને પાચનના રોગોથી બચવા માટે રોજ સવારે 1 ગ્લાસ ગરમ પાણીમાં એક લીંબુનો રસ મિક્સ કરીને પીવો. તેનાથી તમને ચોક્કસ ફાયદો થશે. 
• પાલકનું શાક અથવા પાલક, બીટ અને ગાજરનો જ્યુસ પીવાથી પણ પાચન દુરસ્ત રહે છે અને ફાઈબર મળી રહે છે. જેથી કબજિયાતની સમસ્યા થતી નથી. 
• રોજ રાતે 1 ગ્લાસ નવશેકા પાણી સાથે 1 નાની ચમચી ત્રિફલા ચૂર્ણ ખાઈ લેવાથી ડાઈજેસ્ટિવ સિસ્ટમ હેલ્ધી રહે છે. ત્રિફલાના અનેક લાભ છે તે સ્વાસ્થ્ય માટે ખૂબ જ ગુણકારી માનવામાં આવે છે. જેથી તમે રોજ ત્રિફલાનું સેવન કરી શકો છો. તે રોગો સામે રક્ષણ કરે છે.