હાઇપરટેન્શન એટલે કે હાઈ બીપી એ અનેક રોગોને જન્મ આપવામાં કારણભૂત માનવામાં આવે છે. બદલાતી જીવનશૈલી અને ખાનપાનની ખોટી આદતોને કારણે બીપીની સમસ્યા જન્મે છે. તેના કારણે હૃદય રોગ, કિડનીની સમસ્યા, સ્ટ્રોક અને અન્ય કેટલીક સમસ્યાઓનો ખતરો વધી જાય છે. આ રોગને દવાઓથી નહીં પરંતુ ખાવાપીવામાં કેટલાક ફેરફાર કરીને અને ઘરેલૂ ઉપાયોની મદદથી કંટ્રોલ કરી શકાય છે. જેના વિશે આજે અમે તમને જણાવી રહ્યાં છે.
દવાઓ વિના હાઈ બીપીને કરો કંટ્રોલ
બીપીમાં ખાનપાન પર ધ્યાન આપવું છે જરૂરી
ઘરેલૂ ઉપાયોની મદદથી કંટ્રોલ કરી શકાય છે બીપી
અળસી
અળસીમાં અલ્ફા-લિનોનેલિક એસિડ હોય છે. આ એક પ્રકારનું ઓમેગા-3 ફેટી એસિડ છે. જે લોકોને હાઈ બીપીની સમસ્યા હોય તેમણે રોજ 1 ચમચી અળસીના બીજ ડાયટમાં સામેલ કરવા. આનાથી કોલેસ્ટ્રોલ પણ ઘટે છે.
મેથી દાણા
રોજ સવાર-સાંજ 3 ગ્રામ મેથી પાઉડર પાણી સાથે લેવાથી 15 દિવસમાં હાઈ બીપીને કંટ્રોલ કરી શકાય છે. મેથી દાણામાં રહેલાં તત્વો હાઈ બીપીની સમસ્યા દૂર કરવામાં મદદ કરે છે.
આદુ અને એલચીની ચા
પાણીમાં ગ્રેટ કરેલું આદુ અને ચપટી એલચી ઉકાળીને ઠંડુ કરીને પીવાથી હાઈ બીપીમાં ફાયદો થાય છે. તમે આ ચામાં તજનો પાઉડર પર નાખી શકો છો. આનાથી બોડીમાં બ્લડ સર્ક્યુલેશન સુધરે છે.
તુલસી
તુલસીને બેસ્ટ ઔષધી માનવામાં આવે છે. હાઈ બીપીને કંટ્રોલ કરવા માટે પણ તુલસી બેસ્ટ છે, તેનો ઉપયોગ ડેઈલી ડાયટમાં કરો અથવા સવારે 3-4 પાન તુલસીના ખાઓ. તમે સૂપ, સલાડમાં પણ નાખીને ખાઈ શકો છો.
આટલું ધ્યાન રાખો
તીખી, તળેલી, આથેલી, પ્રિઝર્વેટિવ્સવાળી, ટિનપેક્ડ, આર્ટિફિશ્યલ કલર્સવાળી વસ્તુઓ ન લેવી.
અથાણાં-પાપડ, ખાવાનો સોડા, ખારો, લીંબુના ફૂલવાળી વસ્તુઓ ન ખાવી.
ચાઇનીઝ સોસ તેમ જ ચાઇનીઝ ફૂડ ન ખાવા.
રોજિંદા ખોરાકમાં આખા દિવસ દરમ્યાન વધુમાં વધુ પાંચથી છ ગ્રામ મીઠું ખાવું.
ઓછી કેલરીવાળો, ઓછી ચરબીવાળો આહાર લેવો. શાકભાજી અને ફળો વધુ લેવાં. કેફીન તત્વ ઓછું કરવું.