વાળને નેચરલી કાળા, મજબૂત અને હેલ્ધી બનાવવા માટે આજે અમે તમને 6 બેસ્ટ ઉપાય જણાવીશું. આ ઉપાય તમારા વાળની કાયાપલટ કરી દેશે અને 1 સપ્તાહમાં દેખાશે અસર.
વાળની બધી જ સમસ્યાઓ દૂર કરશે આ 6 ઉપાય
વાળના મૂળમાં લગાવો આ વસ્તુઓ
વાળ માટે બેસ્ટ છે આ નુસખાઓ
આજકાલ નાની ઉંમરમાં જ લોકોના વાળ સફેદ અને ખરાબ થવા લાગે છે. પુષ્કળ ખરવા લાગે છે. ઈન્ફેક્શન અને ડેન્ડ્રફ થવા લાગે છે. જેની પાછળ ઘણાં કારણો જવાબદાર હોઈ શકે છે. પરંતુ શું તમે જાણો છો કે, ઘરે જ કેટલાક ઉપચાર નિયમિત રીતે કરવાથી તમારા વાળની આ સમસ્યાઓથી બચી શકો છો અથવા આ સમસ્યાઓ દૂર કરી શકો છો અને વાળને હેલ્ધી અને નેચરલી કાળા બનાવી શકો છો અને તમને ચોક્કસ રિઝલ્ટ પણ મળશે.
આદુ
આદુ આપણાં સ્વાસ્થ્યની સાથે વાળ માટે પણ ખૂબ જ લાભકારી છે. આદુને પીસીને તેમાં થોડું કાચું દૂધ મિક્સ કરી વાળમાં લગાવો. અડધા કલાક બાદ માથું ધોઈ લો. આ ઉપાય કરવાથી વાળ ખરતાં રોકાશે, કાળા થશે અને ખોડો પણ દૂર થશે.
આમળા અને બદામ
બદામના તેલમાં થોડો આમળાનો રસ મિક્સ કરીને વાળમાં મસાજ કરો. એક કલાક બાદ માથું ધોઈ લો. આ ઉપાય વાળને નરિશ કરશે, કાળા અને મજબૂત બનાવશે.
ચાનું પાણી
સપ્તાહમાં બેવાર ચાના પાણીથી વાળ ધુઓ. વાળ કાળા, ઘાટ્ટા અને સોફ્ટ બનશે. ચામાં રહેલાં તત્વો વાળના મૂળને હેલ્ધી રાખે છે અને વાળ સફેદ થવાની સમસ્યાથી બચાવે છે. વાળને નરિશ કરે છે.
દૂધી
દૂધીના રસમાં ઓલિવ ઓઈલ અથવા તલનું તેલ મિકિસ કરી વાળમાં મસાજ કરો. અડધા કલાક બાદ શેમ્પૂ કરી લો. આ ઉપાય સપ્તાહમાં બેવાર કરો. આ ઉપાય કરવાથી વાળનો ગ્રોથ વધશે, વાળને પોષણ મળશે અને વાળ કાળા થશે.
ડુંગળી
ડુંગળીના રસમાં લીંબુનો રસ મિક્સ કરી વાળના મૂળમાં લગાવો. 10 મિનિટ બાદ માથું ધોઈ લો. આનાથી વાળ લાંબા થશે અને ભરાવદાર થશે. વાળ કાળા પણ થશે.
કાચું દૂધ
સપ્તાહમાં એકવાર વાળના મૂળમાં કાચું દૂધ લગાવો. 15-20 મિનિટ બાદ શેમ્પૂ કરી લો. દૂધમાં લેક્ટિક એસિડ હોય છે. તે તમારા વાળને નરિશ કરશે અને મજબૂત બનાવશે.