ઉપાય / કોરોના સંકટમાં દાંતની તકલીફો માટે ડોક્ટર પાસે ન જવું હોય તો આ ઉપાય નોંધી લો, દાંતનો દુખાવો, સડો મટી જશે

• કોરોનાએ મચાવ્યો હાહાકાર
• નાની નાની તકલીફોનો ઘરે જ કરો ઈલાજ
• દાંત અને પેઢાની સમસ્યા માટે બેસ્ટ ઉપાય

આજકાલ  પાયોરિયા, સડો, દુખાવો, પીડા દાંતની સમસ્યાઓ વધુ જોવા મળે છે. જેના માટે ડોક્ટર પાસે જઈને પૈસા ખર્ચ્યા પહેલાં ઘરે જ કેટલાક ઉપાયો કરી લેવા જોઈએ.

• હિંગને પાણીમાં ઉકાળી તેનાં કોગળા કરવાથી દાંતનો દુઃખાવો મટે છે. 
• દાંત પીળા પડી ગયા હોય તો પીસેલું મીઠું અને ખાવાનો સોડા મેળવીને દાંતે ઘસવાથી પીળાશ દૂર થાય છે.
• પોલા થઈ ગયેલ અને કોહવાઈ ગયેલા દાંતના પોલાણમાં લવિંગ અને કપૂર અથવા તજ અને હિંગ વાટી દબાવી લેવાથી આરામ મળે છે.
• તુલસીનાં પાન ચાવવાથી અને તુલસીનાં પાનનાં ઉકાળાના કોગળા કરવાથી દાંત અને પેઢાં મજબૂત બને છે.
• રોજ સવારે મેથી પાણીમાં પલાળીને નરણે કોઠે ખાવાથી પાયોરિયા મટે છે.
• દાંતમાં સડો લાગે તો મીઠાના પાણીના કોગળાં વારંવાર કરવાથી આરામ મળે છે.
• કોકોનટ ઓઈલ, લીંબુનો રસ અને મીઠું મેળવી દાંતે ઘસવાથી દાંતનો દુઃખાવો, દાંતની પીળાશ અને દાંતમાંથી નીકળતું લોહી બંધ થાય છે. આ સિવાય ફુલાવેલી ફટકડીનો પાઉડર દાંતના પેઢા પર દબાવવાથી દાંતમાંથી નીકળતું લોહી બંધ થાય છે.
• દાંતનું પેઢું સુજી ગયું હોય તો મીઠાના ગાંગડાથી તેને ફોડી તેના પર ફુલાવેલી ફટકડીનો પાઉડર લગાડવાથી દુઃખાવો મટે છે.
• સરસિયાના તેલ સાથે મીઠું મેળવીને દાંત ઘસવાથી પાયોરિયા મટે છે. આ સિવાય 1 ચમચી તલના તેલને મોઢામાં દસ-પંદર મિનિટ ભરી રાખી થૂકી દેવું. આનાથી પાયોરિયા મટે છે અને દાંત મજબૂત બને છે.
• તલનું તેલ હથેળીમાં લઈ આંગળા વડે પેઢા પર ઘસવાથી હાલતા દાંત મજબૂત બને છે. સાથે જ સવારે કાળા તલ ખૂબ ચાવીને ખાઈને ઉપર થોડું પાણી પીવાથી દાંત મજબૂત બને છે.