ટિપ્સ / સ્કિન પર ફોડલીઓ, રેશીઝ અને ખંજવાળની સમસ્યા વધી ગઈ હોય તો, આ 7 ઉપાય બધાંને કામ લાગશે

• ચોમાસા અને ગરમીમાં વધી જાય છે સ્કિનની પ્રોબ્લેમ
• જો ફોડલીઓ અને રેશીઝની સમસ્યા હોય તો કરો ઘરેલૂ ઉપાય
• અમુક દેશી વસ્તુઓ સ્કિન પ્રોબ્લેમમાં મેજિકની જેમ કામ કરે છે

ગરમીની સીઝન શરૂ થાય એટલે અળાઇઓ અને ફોડલીઓ થવી સામાન્ય બાબત બની જાય છે. હાથ, પગ અને પીઠ પર થતી ફોડલીઓ અને રેશીઝ થવાને કારમે બળતરા પણ થાય છે. આ સિવાયસખત ગરમી, બફારો અને પરસેવાના કારણે શરીર પર નાના નાના લાલ દાણા નીકળે છે. તેના કારણે ખંજવાળ અને બળતરા થાય છે. તો જાણો ઘરેલૂ ઉપાય. 

ચંદન

ચંદન પાવડર અને ગુલાબજળ મિક્સ કરીને લેપ બનાવો. તેને પ્રભાવિત ભાગ પર લગાવીને થોડાં સમય માટે છોડી દો. ત્યારબાદ પાણીથી ધોઇ નાંખો. ફોડલીઓ અને રેશીઝ દૂર થઇ જશે.

એલોવેરા

ફ્રેશ એલોવેરા જેલ સ્કિનની સમસ્યાઓ માટેની બેસ્ટ ઔષધી છે. તેના માટે ફ્રેશ જેલને તમે ફોડલીઓ, રેશીઝ કે સ્કિન પર ગરમીને લીધે થતી બળતરાની સમસ્યા પર લગાવી શકો છો. આનાથી તકલીફ દૂર થશે. 

લીમડો અને કપૂર

એન્ટીઇન્ફ્લામેટરી, એન્ટી બેક્ટેરિયલ લીમડો અને કપૂર રેશીઝમાં ખૂબ મદદગાર છે. લીમડાના પાંદડાની પેસ્ટ બનાવીને તેમાં કપૂર મિક્સ કરો. તેને 30 મિનિટ સુધી ફોડલીઓ પર લગાવો પછી ઠંડા પાણીથી ધોઈ લો.

કોકમ

હાથ, પગ કે પીઠ પર થતી ફોડલીઓમાં બળતરા થાય છે. તેનાથી છુટકારો મેળવવા માટે કોકમ બેસ્ટ ઓપ્શન છે. આ માટે કોકમના ચારથી પાંચ ટુકડા બે ગ્લાસ પાણીમાં આખી રાત પલાળી દો. સવારે પાણીને અડધુ થાય ત્યાં સુધી ઉકાળો. પછી પાણીને ઠંડુ કરીને તેમા 3થી 4 ચમચી સાકર ભેળવીને પીવો.

આઇસ પેક

બરફના કેટલાક ટુકડાઓને કપડામાં લપેટીને પ્રભાવિત ભાગ પર હળવા હાથે રગડો. આમ કરવાથી અળાઇઓ અને ગરમીને કારણે થતાં રેશીઝમાં ઠંડક અને રાહત મળશે. 

મુલતાની માટી

ફોડલીઓ પર મુલતાની માટીનો લેપ કરવાથી પણ ખુબ જ ફાયદો થશે. તેનાથી થોડા જ દિવસોમાં આ સમસ્યા ઠીક થઇ જશે અને ઠંડક મળશે.

નારિયેલ તેલ

નારિયેલ તેલમાં કપૂર પીસી લો. નાહી લીધા બાદ તેને ફોડલીઓ કે રેશીઝ પર લગાવો. રોજ દિવસમાં બે વાર તેનાથી માલિશ કરવાથી ગરમીના લીધે થયેલી ફોડલીઓ મટવા લાગશે.