ફેસની સ્કિન બોડીના અન્ય ભાગની સ્કિન કરતાં વધુ મુલાયમ અને સેન્સિટિવ હોય છે. જેથી તેને નેચરલી ક્લિન કરવી જરૂરી છે. ચાલો જાણી લો રીત.
ચહેરાની સ્કિનને ક્લિન રાખવી છે જરૂરી
ફેસ ક્લિન્ઝિંગ માટે નેચરલ વસ્તુઓનો કરો ઉપયોગ
આ ઉપાય તમારી સ્કિનને ફ્રેશ, શાઈની અને ક્લિન રાખશે
ચહેરાની સફાઈ અને મોઈશ્ચરાઈઝર માટે ઓઈલ ક્લિન્ઝિંગ એક બેસ્ટ ઓપ્શન છે. તેનો ઉપયોગ કરીને તમે ખીલ, કરચલીઓ, ફાઈન લાઈન્સ અને ડ્રાયનેસ અને ઓઈલી સ્કિનને દૂર કરી શકો છો. ચાલો જાણીએ ઓઈલ ક્લિન્ઝિંગના ફાયદા.
કયા ઓઈલનો કરવો ઉપયોગ
ક્લિન્ઝિંગ માટે આમન્ડ ઓઈલ અને કોકોનટ ઓઈલનો ઉપયોગ કરી શકાય છે. તેનાથી સ્કિનનો ગ્લો પણ વધશે અને તેની સાથે ડ્રાય, ડિહાઈડ્રેટ અને વહેલાં કરચલીઓ થવાની સમસ્યા પણ દૂર થશે અને સ્કિન એકદમ ટાઈટ રહેશે.
કઈ રીતે કરવું ઓઈલ ક્લિન્ઝિંગ
ક્લિન્ઝિંગ કરવા માટે સૌથી પહેલાં ચહેરાને સરખી રીતે ફેસવોશથી ક્લિન કરી લો. પછી 1 ચમચી ઉપર જણાવેલ કોઈ 1 તેલ નવશેકું ગરમ કરીને તેને હથેળીમાં લઈને આખા ફેસ પર લગાવો અને હળવા હાથે મસાજ કરો. આ મસાજ દરમ્યાન રોમછિદ્રોમાં રહેલી ગંદકી સાફ થઈ જશે. આ બ્લડ સર્ક્યુલેશન વધારવામાં પણ મદદ કરે છે. ત્યારબાદ ગરમ પાણીમાં ટુવાલ ભીનું કરી નીચોવી ચહેરા પર થોડો સમય રાખો. તેનાથી પોર્સ સાફ થઈ જશે. અને સ્કિન મુલાયમ પણ બનશે. રોજ રાતે આ ઉપાય કરવાથી સ્કિનને બહુ જ ફાયદા મળશે.
દૂધ અને ગ્લિસરીનનો ઉપયોગ
ડ્રાય અને નોર્મલ સ્કિન માટે ક્લિન્ઝિંગ બહુ જ ફાયદાકારક છે. 1 ચમચી દૂધમાં 3 ટીપા્ં ગ્લિસરીન અને 6 ટીપાં ગુલાબજળ મિક્સ કરીને આ મિશ્રણથી પણ ફેસ અને ગરદનને સાફ કરી શકો છો.
આઈ મેકઅપ હટાવવા
ફેશિયલ મેકઅપમાં આંખો સેન્સિટિવ હોવાને કારણે તેને ક્લિન કરવામાં નેચરલ વસ્તુનો ઉપયોગ કરવો જરૂરી છે. લાઈનર, કાજલ, મસ્કરા, આઈ મેકઅપને દૂર કરવા માટે તમે હોમમેડ ક્લિન્ઝરનો ઉપયોગ કરી શકો છો. તેના માટે ઉપર જણાવેલ 4 ઓઈલમાંથી કોઈ 1ને કોટનમાં લઈને આઈ મેકઅપ રિમૂવ કરવું.