ઉપાય / માત્ર આ 6 ઘરગથ્થુ ઉપાય વાળમાંથી ડેન્ડ્રફ અને ખંજવાળ કાયમ માટે દૂર કરી દેશે, દરેક માટે છે લાભકારી

• ચોમાસાની સિઝનમાં વાળની સમસ્યા વધી જાય છે
• ગુસ્સો, સ્ટ્રેસ, ટેન્શન અને ડિપ્રેશનને કારણેવાળ પર સીધી અસર પડે છે
• ભોજનમાં જરૂરી પોષક તત્વો ન મળતાં હોય તો પણ વાળ નબળાં થઈ જાય છે

તમને જણાવી દઈએ કે, તીખું-તળેલું અને આથાવાળું ખાવાની આદતથી પણ ખોડાની સમસ્યા વકરે છે. ગુસ્સો, સ્ટ્રેસ, ટેન્શન અને ડિપ્રેશનને કારણે ત્વચા અને વાળ બન્ને પર સીધી અસર પડે છે. સાથે જ ભોજનમાં જરૂરી પોષક તત્વો ન મળતાં હોય તો પણ વાળ નબળાં થઈ જાય છે. જેથી આજે અમે તમને માથામાં ફંગલ ઈન્ફેક્શન અને ડેન્ડ્રફને દૂર કરવાના નુસખાઓ જણાવીશું.

• બેકિંગ સોડા ડેન્ડ્રફ વધારનાર ફંગસને ખતમ કરી માથાની ડેડ સ્કિનને હટાવે છે. શેમ્પૂમાં એક નાની ચમચી બેકિંગ સોડા મિક્સ કરીને શેમ્પૂ કરો.
• નારિયેળ તેલ અને લીંબુ વાળની ચમક વધારવા અને ડેન્ડ્રફના બેક્ટેરિયાને ખતમ કરવામાં મદદ કરે છે. થોડાં નારિયેળ તેલમાં 1 લીંબુનો રસ મિકેસ કરો અને તેને માથામાં લગાવી મસાજ કરો. 1 કલાક બાદ ધોઈ લો.
• કડવો લીમડામાં રહેલાં એન્ટીબેક્ટેરિયલ, એન્ટીફંગલ અને એન્ટીઈન્ફ્લામેટરી ગુણ ડેન્ડ્રફ દૂર કરે છે. પાણીમાં લીમડાના પાન નાખી ઉકાળો. ઠંડું થયા બાદ તેનાથી માથું ધુઓ.
• આદુની એન્ટીઈન્ફ્લામેટરી પ્રોપર્ટી ડેન્ડ્રફ કંટ્રોલ કરી વાળનો ગ્રોથ વધારે છે. થોડું તલનું તેલ લઈ તેમાં અડધી ચમચી આદુનો રસ મિક્સ કરી માથામાં લગાવી મસાજ કરો. અડધા કલાક બાદ શેમ્પૂ કરી લો.
• મેથીની એન્ટીફંગલ પ્રોપર્ટી ડેન્ડ્રફને ખતમ કરવામાં મદદ કરે છે. રાતે 2 ચમચી મેથી દાણા પાણીમાં પલાળી સવારે પીસી લો. તેમાં થોડું દહીં મિક્ષ કરી વાળમાં લગાવો અને અડધા કલાક બાદ ધોઈ લો.
• ઓલિવ ઓઈલ ડ્રાય સ્કેલ્પને મોઈશ્ચરાઈઝ કરીને ડેન્ડ્રફથી છુટકારો આપે છે. રાતે ઓઈલ નવશેકું ગરમ કરી માથામાં મસાજ કરો. સવારે શેમ્પૂ કરી લો.