ગુજરાતમાં હાલ કોરોનાના કેસ વધતા રેમડેસીવીર ઇન્જેક્શનની માંગ વધી છે. તેવામાં હવે આ ઇન્જેક્શન મેળવવા માટે લાઇનો લાગી રહી છે. તો ક્યાંક સ્ટોક ખુટી ગયો છે.
ઝાયડ્સ હોસ્પિટલમાં રેમડેસીવીર ઇન્જેક્શન માટે લાઇન લાગી
વડોદરામાં મેડિકલ સ્ટોરોમાં ક્યાંક સ્ટોક તો ક્યાંક સ્ટોક ખૂટ્યો
સમગ્ર રાજ્ય અને દેશ કોરોના સામે હાલ બાથ ભીડી રહ્યો છે. ગુજરાતના મહાનગરોમાં કોરોનાના કેસ વધી રહ્યા છે તો બીજી તરફ મોટા પ્રમાણમાં રસીકરણ અભિયાન પણ ચાલી રહ્યું છે. તેવામાં કોરોના સંક્રમિત લોકોની સારવાર માટે ઉપયોગમાં લેવાતા રેમડેસીવીર ઇન્જેક્શનની ક્યાંક અછત સર્જાઇ છે તો ક્યાંક લાઇનો લાગી છે. મહત્વું છે કે, કંપનીઓ દ્વારા સ્ટોક રિલીઝ ન થતા કૃત્રિમ અછત સર્જાઈ છે. તો બીજી તરફ માંગ પણ વધતા સ્ટોક ખાલી થઇ રહ્યા છે. રૂ.5400ની MRP વાળું ઈન્જેક્શન રૂ.1680માં મળી રહ્યું છે. રેમડેસીવીર હેટ્રો, ઝાયડ્સ, સિપલા સહિત 6 જેટલી કંપની બનાવે છે.
અમદાવાદમાં કોરોના સંક્રમણ ચિંતાજનક સ્થિતિએ છે ત્યારે ઝાયડ્સ હોસ્પિટલમાં રેમડેસીવીર ઇન્જેક્શન માટે લાઇન લાગી છે. વહેલી સવારથી ઇન્જેક્શન માટે નાગરિકોએ લાઈન લગાવી છે. મુશ્કેલી વચ્ચે લોકો ઇન્જેક્શન માટે કતારો લગાવી છે.
રાજકોટમાં ફરી રેમડેસીવીર ઇન્જેક્શનની અછત સર્જાઇ
રાજકોટમાં ફરી રેમડેસીવીર ઇન્જેક્શનની અછત સર્જાઇ છે. અચાનક મેડિકલ સ્ટોરમાં રેમડેસીવીર ઇન્જેક્શનની અછત સર્જાઇ છે. મોટાભાગની મેડિકલ સ્ટોરમાં ઇન્જકેશનનો જથ્થો ખુટ્યો છે. ઇન્જેક્શન ન મળતા દર્દીઓના પરિવારજનો પરેશાન થયા છે. શુક્રવારના રોજ 3500 ઇન્જેક્શન રાજકોટને ફાળવાયા હતા.
VTV સામે દર્દીના સગાએ પોતાની વેદના ઠાલવી
રાજકોટમાં કોરોના દર્દીઓના સગા હેરાન થઈ રહ્યા છે. દર્દીના સગાએ કહ્યું કે, ઘણા દીવસોથી ઇન્જેક્શન શોધી રહ્યા છીએ. વાંકાનેરમાં ઇન્જેક્શન ન મળ્યા તો રાજકોટ આવ્યા છીએ. પણ રાજકોટમાં પણ ઇન્જેક્શન નથી મળી રહ્યા.
ત્રણ હજાર ઇન્જેક્શન હોય તો જ પુરા પડે તેમ છે
રાજકોટ રેમડીસીવર ઇન્જેક્શનને લઈને મુશ્કેલીના સમાચાર આવ્યા છે. મેડિકલ સ્ટોર ધારકો પાસે 80થી 90 દર્દીઓને ઇન્જેક્શનની જરૂરત હોવાનું સામે આવી રહ્યું છે. ત્રણ હજાર ઇન્જેક્શન હોય તો જ પુરા પડે તેમ છે. માનદ મંત્રી કેમિસ એસો.રાજકોટ ડિસ્ટ્રીક કેમિસ્ટ કાઉન્સિલ સૌરાષ્ટ્ર કચ્છ કેમિસ્ટ એન્ડ ડ્રગ એસો. અનિમેષ દેસાઈએ કહ્યું કે, હાલ રાજકોટ સહિત સૌરાષ્ટ્રમાં રેમડીસીવરનો જથ્થો પૂરો થયો. હજુ પણ આજે બપોરે બાદ અથવા આવતીકાલે જથ્થો આવે તેવી શક્યતા.
વડોદરામાં રેમડેસીવીર ઈન્જેક્શન અંગે રિયાલિટી ચેક કરાયું હતું. તો વડોદરામાં મેડિકલ સ્ટોરોમાં ક્યાંક સ્ટોક તો ક્યાંક સ્ટોક ખૂટ્યો હતો. કેટલાક વિસ્તારોમાં મેડિકલ સ્ટોરમાં ઈન્જેક્શન મળી રહ્યા છે. રૂ.5400ની MRP વાળું ઈન્જેક્શન રૂ.1680માં મળી રહ્યું છે. કેમિસ્ટ એન્ડ ડ્રગિસ્ટ એસો.એ એક જ ભાવે વેચવા અપીલ કરી છે. વડોદરામાં મેડિકલ સ્ટોર્સ રૂ.1700 સુધીમાં જ વેચી રહ્યા છે. ખાનગી ડૉક્ટરો દ્વારા ભાવ વસૂલાતો હોવાનું પ્રાથમિક તારણ સામે આવ્યું છે.
રેમડેસીવીરને લઇ ફૂડ-ડ્રગ્સ કમિશનર કોશિયાએ નિવેદન આપ્યું હતું. તેમણે કહ્યું હતું કે,ગુજરાતમાં રેમડેસીવીર ઇન્જેક્શનનો પૂરતો જથ્થોછે. રાજ્યમાં કોવિડની જરૂરી દવાઓનું રોજ મોનિટરિંગ થાય છે. દવા બજાર-ખાનગી હોસ્પિટલમાં 28119 ઇન્જેક્શન ઉપલબ્ધ છે. અમદાવાદમાં 9223, વડોદરામાં 7746 ઇન્જેક્શનનું વિતરણ કરાયું છે. તો સુરતમાં 3772, રાજકોટમાં 3504 ઇન્જેક્શનનું વિતરણ કરાયું છે. જ્યારે મહેસાણામાં 144 ઇન્જેક્શનનું વિતરણ કરાયું છે. આમ GMSCL ખાતે 16 હજાર ઇન્જેક્શનનો જથ્થો છે.
રેમડેસિવીર ઇન્જેક્શન એન્ટી વાયરલ ઇન્જેક્શન
રેમડેસિવીર ઇન્જેક્શન એન્ટી વાયરલ ઇન્જેક્શન છે. આ ઇન્જેક્શન SARS અને MERS-CoV જેવી બીમારી માટે પણ કારગર સાબિત થયું છે, એટલા માટે વિશ્વ સ્વાસ્થ્ય સંગઠનના અનુસાર, આ ઇન્જેક્શન કોરોના પર પણ અસરકારક છે. ગુજરાતમાં રેમડેસીવીર હેટ્રો, ઝાયડ્સ, સિપલા સહિત 6 જેટલી કંપની બનાવે છે.