સનસીટી જોધપુરના સૌથી મોટા હોસ્પિટલ મથુરાદાસ માથુર હોસ્પિટલમાંથી માનવતાને શર્મસાર કરતો કિસ્સો સામે આવ્યો છે. ધરતી પરના ભગવાન માનવામાં આવતા એક મેડિકલ સ્ટાફકર્મીની લાલચ એટલી બધી વધી ગઈ કે તેણે આપદાની પરિસ્થિતિને અવસર સમજીને તેનો ફાયદો ઉઠાવ્યો. દર્દીની સેવા કરવાની જગ્યા પર તેનાથી કમાણી કરવાનો રસ્તો શોધી કાઠ્યો છે. તેણે 50 ઈન્જેક્શનોની કાળાબદારી કરી તેને ઉંચી કિંમતે વેચી નાખ્યા.
મામલાનો ખુલાસો થયા બાદ હવે હડકંપ મચી ગયો છે. આરોપી નર્સિંગકર્મી ભરત બિશ્નોઈને એપીઓ કરી દેવામાં આવ્યા છે. કોરોનાકાળમાં મેડેકલ સ્ટાફને ફ્રન્ટલાઈન કોરોના વોરિયર્સનો દરજ્જો આપવામાં આવે છે. પરંતુ આ વચ્ચે અમુક એવા પણ લોકો છે જેમના માટે માનવતાની કોઈ કિંમત નથી.
આ રીતે ખુલ્યો કાળાબજારીનો ખેલ
જોધપુરમાં કોરોના સંક્રમણના સૌથી વધારે દર્દી જોધપુર સંભાગ મુખ્યાલયના સૌથી મોટા એમડીએમ હોસ્પિટલમાં દાખલ થાય છે. ત્યાર બાદ તેનો ફાયદો ઉઠાવતા આ હોસ્પિટલમાં કાર્યરત નર્સિંગકર્મી ભરત બિશ્નોઈએ નકલી દર્દીઓના ડેટા તૈયાર કરીને હોસ્પિટલમાંથી 50થી વધારે ઈન્જેક્શન લઈ લીધા. ત્યાર બાદ બજારમાં તેને ઉચા ભાવમાં વેચીને કમાણી કરી લીધી. પ્રસાશનને જ્યારે આ વાતની જાણ થઈ તો તેમના હોશ ઉડી ગયા અને તરત જ મામલાની તપાસ કરવા માટે કમીટી બોલાવી છે.
આ રીતે થયો મામલાનો ખુલાસો
નર્સિંગકર્મી ભરત બિશ્નોઈના સાથી કર્મીઓને જ્યારે આ વાતની જાણકારી મળી તો હોસ્પિટલમાં અંદરો અંદર આ વાત વહેતી થઈ. ત્યાર બાદ અમુક જાગૃત અને સેવાભાવી કર્મચારીઓને આ વાતની જાણ થતા તેમણે આ મામલાનો ખુલાસો હોસ્પિટલ પ્રસાશન સમક્ષ કર્યો. ત્યાર બાદ હોસ્પિટલ પ્રસાશન હરકતમાં આવ્યું. તેમણે ભરત બિશ્નોઈને એપીઓ કરી મામલાની તપાસ માટે કમીટી બનાવી છે. શરૂઆતી તપાસમાં ભરત બિશ્નોઈનું નામ જ સામે આવી રહ્યું છે. આ મામલામાં એક મહિલા નર્સ પણ સામેલ હોવાનું જાણવા મળી રહ્યું છે.
ગુજરાતમાંથી પણ ઝડપાઈ ચુક્યું છે આ પ્રકારનું કૌભાંડ
વડોદરામાં રેમડેસિવીર ઈન્જેક્શનની કાળાબજારીનો પર્દાફાશ થયો છે. વડોદરા ક્રાઈમ બ્રાન્ચે કાળાબજારી કરતા 3 શખ્સની ધરપકડ કરી હતી. ગોત્રી મેડિકલ કોલેજના ઓક્સિજન પ્લાન્ટના ઓપરેટર સોહિલ દરબાર 15000માં ગેરકાયદે રેમડેસિવીર વેચતા ઝડપાયો હતો. સોહિલએ કાળાબજારીમાં સંડોવાયેલ અન્ય 2 શખ્સોના નામનો ખુલાસો પણ કર્યો હતો.
કોઈ પણ પ્રકારના લાયસન્સ વગર કરતા હતા વેચાણ
જેમાં શૈલેષ પ્રજાપતિ અને કોન્ટ્રાક્ટ પર નોકરી કરતા વર્ષા ડામોરના નામનો ખુલાસો થયો હતો. શૈલેષ પ્રજાપતિએ આરોપી સોહિલને 14000માં ઇન્જેક્શન આપ્યું હતું. તેણે આરોપી વર્ષા ડામોરએ ઈન્જેક્શન આપ્યું હતું. કોઈ પણ પ્રાકરના લાયસન્સ વગર તમામ આરોપીઓ ઈન્જેક્શનનું વેચાણ કરતા હતા.