સરકારે જણાવ્યા અનુસાર, હવે દેશમાં રેમડેસિવિર ઈન્જેક્શન બનાવવાના પ્લાન્ટ 20થી વધીરીને 60 થઈ ગયા છે. સાથે જ સરકારે કહ્યું કે હવે ડિમાન્ડ કરતા વધારે સપ્લાય છે.
હવે રાજ્યોને રેમડેસિવિર ઈન્જેક્શન નહીં આપે કેન્દ્ર
સીધી કંપની પાસેથી ખરીદવાના રહેશે ઈન્જેકશન
દેશમાં રેમડેસિવિર બનાવનાર પ્લાનટ 20થી વધારીને 60 કરવામાં આવ્યા
દેશમાં કોરોનાની બીજી લહેરમાં રેમડેસિવિર ઈન્જેક્શનની ખૂબ અછત જોવા મળી હતી. ઘણા રાજ્યોમાં તેની ખૂબ જ કાળાબજારી પણ કરવામાં આવી. આ ઉપરાંત ઘણા શહેરોમાં પોલીસે નકલી રેમડેસિવિર ઈન્જેક્શન પણ જપ્ત કરવામાં આવ્યા. ઓછુ પ્રોડક્શન થવાના કારણે આ ઈન્જેક્શન કેન્દ્ર સરકાર ઉપલબ્ધ કરાવી રહી છે. પરંતુ સરકારે એલાન કર્યું છે કે હવે રાજ્ય સરકાર પોતે જરૂરીયાતના હિસાબથી ઈન્જેક્શન ખરીદી શકે છે.
રાજ્યમંત્રી મનસુખ માંડવિયાએ શનિવારે એલાન કર્યું કે સરકારે રાજ્યોને રેમડેસિવિરની કેન્દ્રીય ફાળવણીને બંધ કરવાનો નિર્ણય કર્યો છે. સાથે જ તેમણે કહ્યું છે કે નેશનલ ફાર્માસ્યુટિકલ્સ પ્રાઈઝિંગ એજન્સી અને સીડીએસસીઓને દેશમાં રેમડેસિવિરની ઉપલબ્ધતા પર સતત નજર રાખવાનો આદેશ આપ્યો છે.
હવે પ્રોડક્શનમાં થઈ રહ્યો છે વધારો
સરકારે જણાવ્યા અનુસાર હવે દેશમાં રેમડેસિવિર ઈન્જેક્શન બનાવવાના પ્લાન્ટ 20થી વધીને 60 કરી દેવામાં આવ્યા છે. સાથે જ સરકારે કહ્યું કે હવે ડિમાન્ડથી વધારે સપ્લાય થઈ ગઈ છે. માંડવિયાએ સોશિયલ મીડિયા પર એલાન કરતા લખ્યું કે, "મને તમને બધાને એ વાત જણાવતા ખુશી અને સંતુષ્ટિ થઈ રહી છે કે રેમડેસિવિરનું ઉત્પાદન દસ ગણુ વધી ગયું છે. પીએમ મોદીના કુશલ નેતૃત્વમાં 11 એપ્રિલ 2021એ દર રોજ 33,00 ઈન્જેક્શનની વાયલ બની રહી છે. પરંતુ હવે દરરોજ એ વધીને સાડા 3 લાખે પહોંચી ગયું છે."
અમેરિકી કંપની પાસે છે રેમડેસિવિરની પેટન્ટ
જણાવી દઈએ કે અમેરિકાની કંપની ગિલિએડ સાયન્સની પાસે રેમડેસિવિરની પેટન્ટ છે. તેણે ચાર ભારતીય કંપનીઓ પાસે તેને બનાવવાનો એગ્રીમેન્ટ કર્યો છે. તે કંપનીઓ છે સિપ્લા, હેટેરા લેબ્સ, જુબલિએન્ટ લાઈફસાયન્સ અને મિલા. આ ચાર કંપનીઓ મોટા પાયે તેનું પ્રોડક્શન કરે છે અને દુનિયાના લગભગ 126 દેશોને તેની નિકાસ કરે છે. આ મોંઘી દવા છે જેની કિંમત ભારતીય બજારમાં લગભગ 4800 રૂપિયા છે પરંતુ કાળાબજારમાં તે ખૂબ ઉંચા ભાવમાં વેચવામાં આવે છે.