તપાસ તેજ / વડોદરામાં કરોડોના ડ્રગ્સ કેસમાં 2 આરોપીના રિમાન્ડ મંજૂર, સાણંદમાં ડ્રગ્સ સાથે 3 ઝડપાયા

• વડોદરાના મોકસી ગામેથી કરોડોના ડ્રગ્સનો મામલો
• 2 આરોપીને રિમાન્ડ માટે કોર્ટમાં રજૂ કરાયા
• કોર્ટે 26 ઓગસ્ટ સુધીના રિમાન્ડ કર્યા મંજુર

વડોદરાના મોકસી ગામેથી કરોડોના ડ્રગ્સનો મામલે ધરપકડ કરાયેલા 2 આરોપીને રિમાન્ડ માટે કોર્ટમાં રજૂ કરાયા. આરોપીઓના 14 દિવસના રિમાન્ડની પોલીસે માંગ કરી. ડ્રગ્સ લાવવાથી લઈ બનાવવા સુધીની પૂછપરછ કરવામાં આવશે. કોર્ટે 26 ઓગસ્ટ સાંજે 4 વાગ્યા સુધી રિમાન્ડ મંજુર કર્યો. ઇન્વેસ્ટિગેશન ટિમ આરોપીઓને સાથે રાખીને કરશે સ્થળ તપાસ હાથ ધરાશે.

આરોપીઓના 9 દિવસના રિમાન્ડ મંજૂર
વડોદરાના સાવલી ખાતેથી પકડાયેલા અંદાજિત 1100 કરોડના ડ્રગ્સ મામલે આરોપી પિયુષ પટેલ અને મહેશ વૈષ્ણવ ને આજે ગુજરાત એટીએસએ વડોદરા ની કોર્ટમાં રજૂ કર્યા હતા જ્યાં સમગ્ર મામલાની તપાસ અર્થે એટીએસ દ્વારા 14 દિવસના રિમાન્ડની માંગણી કરવામાં આવી હતી જે બાબતે નામદાર કોર્ટ આવનારી 26 તારીખ સુધીના રિમાન્ડ મંજૂર કર્યા છે, ત્યારે હવે આ સમગ્ર મામલે આ કૌભાંડ આંતરરાજ્ય હતું કે આંતરરાષ્ટ્રીય અને ક્યાંથી આ સમગ્ર ગેર પ્રવૃતિઓના નશાના કારોબારનું ફંડિંગ આવતું હતું, કોણ આ ડ્રગ્સ ખરીદતું હતું અને કોણ  આ સમગ્ર નશાના કારોબારમાં જોડાયેલા છે તે દિશામાં ગુજરાત એટીએસ તપાસ કરશે. મહત્વનું છે કે કોર્ટે આપેલા રિમાન્ડ માના એક આરોપીને અગાઉ પણ એનડીપીએસના ગુના હેઠળ 10 વર્ષની સજા થઈ હતી.

કોણ કોણ છે સામેલ
વડોદરાના સાવલી તાલુકાના મોક્ષી ગામમાં "નેક્ટર નામની કેમિકલ ફેકટરી"ના નામે મોતના સામાન એટલે કે મેફેડ્રોન ડ્રગ્સનો વેપલો કરવામાં આવી રહ્યો હતો. આરોપી મહેશ વૈષ્ણવ અને પિયુષ પટેલ MD ડ્રગ્સના સોદાગરો છે.  આ ફેકટરીમાં કેમિકલની જગ્યાએ મેફેડ્રોન ડ્રગ્સ બનાવવાનું શરૂ કર્યું હતું, ડ્રગ્સ બનાવવા માટે હાઇલી એજ્યુકેટેડ અને કેમેસ્ટ્રીમાં નિષ્ણાંત એવા પિયુષ પટેલની ખાસ મદદ લેવામાં આવી હતી.  મુખ્ય આરોપી મહેશ વૈષ્ણવ અને પિયુષ પટેલ ભાગીદાર હતા જ્યારે બીજી કંપની "વેન્ચર ફાર્મા સ્યુટિકલ પ્રાઇવેટ લિમિટેડ કંપની" ઉભી કરી જેમાં મહેશ વૈષ્ણવ , પિયુષ પટેલ અને રાકેશ મકાની તથા વિજય વસોયા, દિલીપ વાઘાસિયા ભાગીદારો હોવાનું સામે આવ્યું છે. 

કેવી રીતે પાર પાડ્યું ઓપરેશન?
ગુજરાત એટીએસની પ્રાથમિક તપાસમાં સામે આવ્યું છે કે અહીંયા ડ્રગ્સ બનાવી રાજેસ્થાન અને મહારાષ્ટ્રમાં સપ્લાય કરવામાં આવતું હતું ઉલ્લેખનીય છે કે મૂળ જામનગરના દિનેશ ધુવ અને ઇબ્રાહિમ હુસૈન ઓડિયા તેમજ તેનો પુત્ર બાબા ઇબ્રાહિમ ઓડિય મહારાષ્ટ્રમાં ડ્રગ્સ સપ્લાય કરતા હતા, જ્યારે મૂળ રાજેસ્થાનનો એક વ્યકિત રાજેસ્થાનમાં ડ્રગ્સ વેચતો હોવાનું તપાસમાં સામે આવ્યું છે.. મહત્વનું છે કે ગુજરાત એટીએસે રાજેસ્થાન ના આ શખ્સની શોધખોળ શરૂ કરી દીધી છે,  આ ઉપરાંત ગુજરાત એટીએસે આરોપીઓ પાસેથી  એમ.ડી. ડ્રગ્સના વેચાણના  રૂપિયા 14 લાખ પણ કબ્જે કર્યા છે..  મહત્વનું છે કે ડ્રગ્સ ના નેટવર્ક નો માસ્ટર માઈન્ડ મહેશ વૈષ્ણ છે. તે કેમેસ્ટ્રી થયેલો છે. ડ્રગ્સ બનાવવાની કામગીરી મહેશ અને પિયુષ તેમજ રાકેશ અને વિજય ઉપરાંત દિલીપને હોવાનું ખુલ્યું છે. જ્યારે ડ્રગ્સના વેચાણની જવાબદારી દિનેશ, ઇબ્રાહિમ અને તેના પુત્ર બાબા ને સોંપાઈ હતી.

1125 કરોડ રૂપિયાનું ડ્રગ્સ જપ્ત 
ગુજરાત ATS એ  બે દિવસ સુધી ઓપરેશન ચલાવી બે મુખ્ય આરોપીઓની હાલ ધરપકડ કરી છે. જેમાં ગુજરાતની પાંચ જિલ્લાની પોલીસ આરોપીઓની શોધખોળમાં લાગી છે, SOG જૂનાગઢ, SOG જામનગર, SOG સુરત ,SOG વડોદરા , SOG વડોદરા ગ્રામ્યની ટીમનો સમાવેશ થાય છે. આ આરોપીઓએ  સપ્ટેમ્બર મહિનાના 2021ના વર્ષથી અત્યાર સુધીમાં 240 કિલો એમ.ડી ડ્રગઝ બનવાયુ છે. જેમાંથી ગુજરાત એટીએસે 2 આરોપીઓ પાસેથી 225 કિલો ગ્રામ.એમ.ડી ડ્રગઝ જેની અંદાજે કિંમત 1125 કરોડ રૂપિયાનું જપ્ત કર્યું. આ ઉપરાંત ગુજરાત  ATS એ આરોપીઓ પાસેથી MD ડ્રગ્સના વેચાણના રૂપિયા 14 લાખ પણ કબ્જે કર્યા છે.

SOGએ શખ્સોને 16.200 ગ્રામ ડ્રગ્સ સાથે ઝડપ્યા
તો બીજી તરફ સાણંદ ટોલપ્લાઝા નજીક ડ્રગ્સ લઈ જતા 3 શખ્સો ઝડપાયા છે. ખાનગી બસમાં MD ડ્રગ્સ લઈ જતા ત્રણેયની અટકાયત કરી 16.200 ગ્રામ ડ્રગ્સ કબજે લેવાયું છે,કુલ રૂ.1.60 લાખનો જથ્થો ઝડપી કરણ પીઠડીયા, મિતુલ આદરોજા અને મહાવીર બારડ અમદાવાદથી ધ્રાંગધ્રા જઈ રહ્યા તે દરમિયાન બાતમીને આધારે તેમની ધરપકડ કરવામાં આવી છે.