અમદાવાદઃ કૃષ્ણનગરમાં લોભામણી સ્કીમ દ્વારા કરોડો રૂપિયાની છેતરપિંડી કરનાર વિમલ ગોલ્ડના માલિક પ્રકાશ મોદીના મેટ્રો કોર્ટે જામીન મંજુર કર્યા હતાં. જે જામીન રદ્દ કરવા સરકારે સેશન્સ કોર્ટમાં અરજી કરી હતી.
જેની સુનાવણી સોમવારે હાથ ધરવામાં આવી હતી. આ સાથે જ પોલીસે દ્વારા આરોપી પ્રકાશના રિમાન્ડ મેળવવા માટે રિવિઝન અરજી પણ કરવામાં આવી હતી.
જો કે સેશન્સ કોર્ટે વધુ સુનાવણી 25મી મેના રોજ મુલત્વી રાખી છે. વિમલ ગોલ્ડના માલિક પ્રકાશ મોદી દ્વારા છેલ્લા એક વર્ષ વધુ સમયથી સરળ હપ્તે સોનાના દાગીના આપવાની પોન્ઝી સ્કીમ ચલાવી હતી. આ મામલે આરોપીની ધરપકડ કરવામાં આવી હતી.