અમદાવાદમાં છેલ્લા થોડાક દિવસોથી કોરોનાના કેસો પણ ઘટ, ગઈકાલથી અમદાવાદ સિવિલ હોસ્પિટલ ખાતે એમ્બ્યુલન્સની લાંબી લાઈનમાં પણ ઘટાડો
અમદાવાદમાં 108ની લાંબી લાઈનને લઈ રાહત
સિવિલ હોસ્પિટલ બહાર એક પણ એમ્બ્યુલન્સ લાઈનમાં નહીં
1200 બેડની સિવિલ હોસ્પિટલ બહાર લાઈનનો ઘટાડો
લાંબા સમય બાદ અમદાવાદમાં થોડા રાહતના સમાચાર દેખાઈ રહ્યા છે. અમદાવાદમાં છેલ્લા થોડાક દિવસોથી કોરોનાના કેસો પણ ઘટી રહ્યા છે અને ગઈકાલથી અમદાવાદ સિવિલ હોસ્પિટલ ખાતે એમ્બ્યુલન્સની લાંબી લાઈનમાં પણ ઘટાડો થયો છે. એટલુ જ નહીં પ્રથમ વખત 50 કરતા વધુ ઓક્સીજન બેડ સીવીલ મેડીસીટી કેમ્પસમાં ખાલી હોવાના પણ સમાચારા સામે આવી રહ્યા છે. આ તમામ દ્વશ્યો જોતા લાગી રહ્યું છે કે જો અમદાવાદ તેમજ ગુજરાતીઓ જો ઘરમાં રહેશે તો કોરોનાની બીજી વેવને આપણે હરાવી શકીશું.
અમદાવાદની સિવિલ હોસ્પિટલના ડોક્ટરો અને મેનેજમેન્ટને અને ખાસ કરીને સુપ્રિટેન્ડેનને જામણે રાત દિવસ જોયા વગત સતત કામ કર્યું અને સિવિલ હોસ્પિટલની બહાર પડી રહેલા એમ્બ્યુલન્સના કાફલાને ઓછો કરવા માટે સતત મહેનત કરી હતી. એક પણ ફરિયાદ વગર સિવિલ હોસ્પિટલની તમામ ટીમો સતત કામ કરી રહી છે અને કદાચ એના કારણે જ આવી મહામારીમાં 80થી 100 એમ્બ્યુલન્સ લાઈનમાં હોવા છતાં તેઓએ હિંમ્મત હાર્યા વગર કામ કર્યું અને કરી રહ્યા છે. જેના લીધે જ સિવિલમાંથી દર્દીઓ જલ્દી રિકવર થઈ ઘરે જઈ રહ્યા છે અને સિવિલમાં આજે 50 કરતા વધુ ઓક્સિજન બેડ ખાલી છે.
ગુજરાતમાં છેલ્લા 24 કલાકના આંકડાની વાત કરીએ તો, 12245 કેસ નોંધાયા હતા અને અમદાવાદની વાત કરીઓ તો છેલ્લા 24 કલાકમાં અમદાવાદમાં 3884 કેસ નોંધાયા હતા તેની સામે અમદાવાદમાંથી 5103 દર્દીઓ સાજા થઈને ડિસર્ચાજ લીધો હતો. આ આંકડાઓ પરથી પણ સમજી શકાય છે કે, અત્યારે અમદાવાદની પરિસ્થિતિ સુધરી રહી છે. સાથે સાથે આ તમામ પરિસ્થિતિનો સાચો તાત મેળવવા અમે કોરોના ટેસ્ટીંગ ડોમ પર ગયા હતા તો ત્યાં પણ ડોમ ખાલી જોવા મળ્યો હતો તેના પરથી સ્પષ્ટ થાય છે કે હવે અમદાવાદમાં સારા દિવસોની શરુઆત થઈ રહી છે.
કોરોના મહામારી વચ્ચે વધુ રાહતના સમાચાર એ છે કે, અમદાવાદમાં 108 સેવા પર આવતા ફોનમાં ઘટાડો જોવા મળ્યો છે. અમદાવાદમાં કોરોના સંક્રમણ ઘટી રહ્યું હોવાના સંકેત છે. મે મહિનાથી 108 પર પર આવતા કોલમાં ઘટાડો જોવા મળ્યો છે. 1 મેના રોજ 108 પર 689 કોલ આવ્યા હતા. 2 મેના 584 કોલ અને 3 મેના રોજ 502 કોલ આવ્યા હતા. પરંતુ 4 મેના રોજ માત્ર 441 અને 5 મેના દિવસે 356 કોલની સાથે ગઈકાલે એટલે 6 મેના દિવસે 318 કોલ આવ્યા હતા.