ગુજરાત / વરસાદને લઇને ખેડૂતો માટે રાહતના સમાચાર, હવામાન વિભાગે કરી આ આગાહી

• વરસાદી સિસ્ટમ ન હોવાથી વરસાદની શક્યતા નહીં
• વરસાદ બંધ થતા ગરમીમાં થશે વધારો
• રાજ્યમાં 3 દિવસ ગરમીનું પ્રમાણ વધવાની શક્યતા

રાજ્યમાં આગામી દિવસોમાં વરસાદની નહીવત્ શક્યતા છે. હાલમાં રાજ્યમાં કોઈ વરસાદી સિસ્ટમ સક્રિય નથી. જેના કારણે રાજ્યના કોઈ પણ ભાગમાં ભારે વરસાદ ન થાય તેવી હવામાન વિભાગે આગાહી કરી છે. રાજ્યમાં અત્યાર સુધીમાં 120 ટકાથી વધુ વરસાદ નોંધાયો છે.

રાજ્યમાં ગરમીમાં થશે વધારો

જ્યારે હવામાન વિભાગે આગાહી કરી છે કે, વરસાદ બંધ થતા ગરમીના પ્રમાણમાં વધારો થશે. રાજ્યમાં 3 દિવસ ગરમીનું પ્રમાણ વધવાની શક્યતા છે. ચોમાસામાં ઉનાળા જેવો તાપ સહન કરવો પડી શકે છે. રાજ્યમાં અમદાવાદ, સુરત, વડોદરામાં ગરમીના પ્રમાણમાં વધારો થઇ રહ્યો છે.