રાહત / RBI એ બદલ્યો સૌથી મોટો નિયમ: હવે બેંકમાં આ કામ માટે નહીં જવું પડે

• RBIએ કર્યો સૌથી મોટો ફેરફાર
• ગ્રાહકોને હવે બેંકના ધક્કા નહીં ખાવા પડે
• આ સરળ રીતે થઈ જશે કેવાયસીની પ્રક્રિયા

અમુક જ દેશોમાં ઉપલબ્ધ છે આ સુવિધા

આરબીઆઈના આ પગલાથી ભારતીય બજારને પસંદગીના બજારોમાં સામેલ કરવામાં આવ્યું છે જ્યાં નિયમોમાં ફેરફાર કરીને વીડિયો કેવાયસીને મંજૂરી આપવામાં આવી છે. કેવાયસી નિયમોમાં સુધારણા કરતી આરબીઆઈની સૂચના મુજબ, 'ગ્રાહકોની ઓળખ વધુ સરળ બનાવવા માટે કેન્દ્રીય બેંકે ગ્રાહકની પરવાનગી આધારિત વૈકલ્પિક વ્યવસ્થા તરીકે વીડિયો આધારિત ગ્રાહક ઓળખ પ્રક્રિયા (વીસીઆઈપી) રજૂ કરી છે.'

કઈ રીતે થશે વીડિયો કેવાયસી?

આ જોગવાઈ હેઠળ, દૂરસ્થ વિસ્તારોમાં હાજર નાણાકીય સંસ્થાઓના અધિકારીઓ ગ્રાહકને પાન અથવા આધારકાર્ડ અને કેટલાક પ્રશ્નો દ્વારા ઓળખી શકશે. એજન્ટે એ પણણ ખાતરી કરવી જરૂરી છે કે, તે દેશમાં હાજર છે. આ કરવા માટે ગ્રાહકનું લોકેશન કેપ્ચર કરવાનું રહેશે. 

અન્ય કેટલીક શરતો

કેવાયસી માટે વીડિયો કોલ સંબંધિત બેંકના ડોમેનથી થવું જોઈએ, ગૂગલ ડ્યૂઓ અથવા વોટ્સએપ જેવા થર્ડ પાર્ટી સોર્સથી નહીં ચાલે. નિષ્ણાતો કહે છે કે, બેંકોને વીડિયો કેવાયસી પ્રક્રિયા શરૂ કરતા પહેલાં તેમની એપ્લિકેશન્સ અને વેબસાઇટ્સને લિંક કરવાની રહેશે. સૂચના મુજબ, VCIPની પ્રક્રિયા ટ્રેન્ડ અધિકારીઓ દ્વારા કરાવવી જરૂરી છે.