બિઝનેસ / હવે આ બિઝનેસમાં ઉતરી રિલાયન્સ કંપની, 620 કરોડ રૂપિયામાં થઇ મહત્વની ડીલ

• રિલાયન્સે ઈ-ફાર્મસી કંપનીનું અધિગ્રહણ કર્યું 
• રિલાયન્સ કંપનીએ વિટેલિકમાં કુલ 60 ટકા ભાગીદારી ખરીદી લીધી 
• નેટમેડ્સ માર્કેટ પ્લેસ લિમિટેડમાં 100 હિસ્સો ખરીદી લેવામાં આવ્યો 

દેશની સૌથી મોટી કંપની રિલાયન્સ ઇન્ડસ્ટ્રીની સહાયક કંપની રિલાયન્સ રિટેલે ચેન્નઈ સ્થિત Vitalic Health Private Limited અને તેની સહાયક ઓનલાઈન ફાર્મસી કંપની Netmedsનો મોટો ભાગ ખરીદી લીધો છે. આ ભાગીદારી આશરે 620 કરોડ રૂપિયામાં ખરીદવામાં આવી છે. Netmeds ઓનલાઈન માધ્યમથી ગ્રાહકોને ફાર્મસીસ્ટથી જોડે છે અને લોકોને દવા પણ ડીલિવર કરી આપે છે.  

રિલાયન્સ રિટેલે Vitalic Health Private Limitedના ઈક્વિટી શેર કેપિટલમાં 60 ટકા હોલ્ડિંગ અને તેની સહાયક કંપની Tresara, Netmeds અને Dadha Pharmaની 100 ટકા ડાયરેક્ટ ઈક્વિટી ઓનરશિપ ખરીદી લીધી છે. 

નેટમેડ્સના સંસ્થાપક પ્રદીપ દાધાએ કહ્યું કે રિલાયન્સ ડિજીટલ, રિટેલ અને ટેક પ્લેટફોર્મની સંયુક્ત શક્તિ સાથે અમે વધુ સારી રીતે ગ્રાહકો વચ્ચે પોતાના ચેનલને મજબૂત કરવામાં સક્ષમ બની શકીશું. તેમણે કહ્યું કે આ કરાર બાદ અમે અમારી સેવાને વધુ સારી બનાવી શકીશું. 

નેટમેડ્સ એક ઈ-ફાર્મા પોર્ટલ છે અને તેના પર પ્રિસ્ક્રિપ્શન પર આધારિત અને ઓવર ધ કાઉન્ટર દવાની સાથે સાથે હેલ્થ ઉત્પાદનોનું વેચાણ કરવામાં આવે છે. તેની સેવાઓ દેશના 20 હજાર સ્થાનો પર ઉપલબ્ધ છે અને તેની પ્રમોટર ચેન્નઈ આધારિત કંપની Dadha Pharma છે.