નવા જૂની / રિલાયન્સની મોટી જાહેરાત, હવે આ ધંધામાં પણ ઝંપલાવશે, અમેરિકાની મોટી કંપની સાથે મીલાવ્યા હાથ

• રિલાયન્સ રિટેલ દેશમાં વિદેશી ચેન-7 ઈલેવન સુવિધા સ્ટોર લોન્ચ કરશે
• કંપની મુંબઈના અન્ય વિસ્તારોમાં સુવિધા સ્ટોરનો ઝડપથી વિકાસ કરશે
• રિલાયન્સ રિટેલ વેન્ચર દેશની સૌથી મોટી રિટેલ કંપની બનશે

રિલાયન્સ રિટેલે ગુરૂવારે કહ્યું કે, તેઓ દેશમાં 7 ઈલેવન સુવિધા સ્ટોરનો પ્રારંભ કરશે. જેના માટે કંપનીએ 7-Eleven Inc. (SEI) પાસેથી એક માસ્ટર ફ્રેન્ચાઈઝી એગ્રીમેન્ટ કર્યો છે. ત્યારબાદ કંપની મુંબઈના અન્ય વિસ્તારોમાં સુવિધા સ્ટોરનો ઝડપથી વિકાસ કરશે. આ લોન્ચિંગની સાથે રિલાયન્સ રિટેલ વેન્ચર દેશની સૌથી મોટી રિટેલ કંપની બની જશે. 7-Eleven સ્ટોર બેવરેજ, સ્નેક્સ અને દૈનિક જરૂરિયાતના તમામ સામાન વેચવા માટે પ્રસિદ્ધ છે.

ફ્યુચરથી ડીલ રદ્દ

ઉલ્લેખનીય છે કે, ફ્યુચર રિટેલે આ અઠવાડિયે મંગળવારે જાહેરાત કરી હતી કે તેણે ફેબ્રુઆરી 2019માં 7-Eleven ઈન્કની સાથે થયેલી ડીલને પરસ્પર સહમતિથી સમાપ્ત કરી દીધી છે. જે હેઠળ પહેલાં 7-Eleven સ્ટોર ફ્યુચર દ્વારા સંચાલિત કરવાના હતા. પરંતુ ફ્યુચર રિટેલ હવે આ સ્થિતિમાં નથી કે 7-Eleven સ્ટોર ખોલી શકે અને તેને સંચાલિત કરી શકે. જેથી બંનેએ પરસ્પર સહમતિથી આ કરાર રદ્દ કરી દીધો છે.

રિલાયન્સે શું કહ્યું?

રિલાયન્સે 7-Elevenના સ્ટોર્સની સંખ્યા ઝડપથી વધારવાની યોજના બનાવી છે. કંપનીનું કહેવુ છે કે તેનાથી સ્થાનિક સ્તરે મોટા પાયા પર રોજગાર મળશે. રિલાયન્સ રિટેલની ડાયરેક્ટર ઈશા અંબાણીએ કહ્યું, 7 ઈલેવન કન્વેન્યન્સ રિટેલ ક્ષેત્રમાં સૌથી મુખ્ય ગ્લોબલ બ્રાન્ડ છે. SEIની સાથે અમે જે નવો માર્ગ બનાવ્યો છે તેનાથી ભારતીય ગ્રાહકોને પોતાની નજીકમાં વધુ સુવિધા અને વિકલ્પ મળી રહેશે.