15 ઓગસ્ટે અહીંથી કરી શકો છો JioPhone 2નું બુકિંગ ખાસ છે એના ફીચર્સ

રિલાયન્સ ઇન્ડસ્ટ્રીઝની તાજેતરમાં થયેલી 41મી એનુઅલ જનરલ મીટિંગમાં રિલાયન્સ જિયો ઇન્ફોકોમ અને રિલાયન્સ રિટેલના બોર્ડ ઓફ ડિરેક્ટર આકાશ અંબાણી અને ઇશા અંબાણીએ JioPhone 2 લોન્ચ કર્યો. આ ફોનની કિંમત 2 999 રૂપિયા છે અને એના ફીચર્સ જોરદાર છે. જો તમે આ ફોનને લેવાનું મન બનાવી રહ્યા છો તો અમે તમને જણાવવા જઇ રહ્યા છીએ કે તમે કેવી રીતે એનું બુકિંગ કરી શકો છો અને એના માટે ફીચર્સ કયા કયા છે. 

જિયોના આ નવા ફોનમાં WhatsApp Facebook અને Youtube જેવા ફીચર્સ હશે. એટલે કે ફોનમાં તમે આ બધાની મજા લઇ શકશો. આ ફોનમાં 2.4ની ડિસ્પ્લે હશે. ફોનમાં 512 MBની રેમ હશે. એમાં તમને 4GBનો ઇન્ટરનલ સ્ટોરેજ મળશે જેને SD કાર્ડ દ્વારા 125GB વધારી શકાશે. જો કેમેરાની વાત કરીએ તો રિયરમાં 2 મેગાપિક્સલનો પ્રાઇમરી કેમેરો હશે જ્યારે સેલ્ફી માટે આ મોબાઇલમાં ફ્રંટમાં VGA કેમેરો હશે. 

આ ફોન Wi-Fi GPS બ્લૂટૂથ અને FMથી લેસ હશે. JioPhone 2માં  2 000mAh ની બેટરી હશે અને આ KAI ઓપરેટિંગ સિસ્ટમ પર ચાલશે. એમાં ક્વોટિ કીપેડ હશે. આ ફોનમાં વોયસ એસિસ્ટેન્ટ માટે એક ડેડિકેટેડ બટન હશે. આ ફોન 24 ભારતીય ભાષાઓને સપોર્ટ કરશે. સાથે જ આ વોયસ કમાન્ડને પણ સપોર્ટ કરશે. 

જો તમે આ ફોનનું બુકિંગ કરવા ઇચ્છો છો તો તમારે એના માટે થોડી રાહ જોવી પડશે. 15 ઓગસ્ટે આ ફોન બુકિંગ માટે ઉપલબ્ધ થશે. તમે આ ફોનનું બુકિંગ My Jio app દ્વારા અથવા જિયોની સત્તાવારા વેબસાઇટ www.jio.com પર જઇને કરી શકો છો.